"Thunderpick World Championship 2024″ тэмцээн /2024.10.22/ эхэлсэн бөгөөд хэсгийн шат нь онлайнаар, плей-офф нь Берлин хотноо лангаар болох учиртай. Тус тэмцээний шөвгийн наймд The MongolZ Бразилын Imperial Esports багийг хожсоноор шалгарлаа. 

Тэд эхний тоглолтоо америк эзэдтэй, орос тоглогчидтой "Cloud9" багийн эсрэг хийж, 2-0 гэсэн харьцаатай төвөггүйхэн буулгаж авчээ. "The MongolZ"-оос Senzu болон bLitz нар үзүүлэлтээрээ багаа манлайлжээ. Харин хоёр дахь тоглолтоо Fnatic-ийн эсрэг хийсэн. Хуучны шилдгүүдтэй Fnatic-ийг мөн 2-0 гэсэн харьцаатай хожиж, плей-оффын шатанд өрсөлдөхөөр боллоо. Энэхүү тоглолтод The MongolZ-ийнхон жигд тоглолтыг үзүүлжээ.

850 мянган ам.долларын шагналын сантай энэхүү тэмцээний плей-оффын тоглолтууд Герман улсын Берлин хотын "LVL Dome" аренад болох бөгөөд The MongolZ Францын "3DMAX" багтай арваннэгдүгээр сарын 03-ны 00:00 цагаас тоглоно.