БНХАУ-ын Засгийн газрын тэтгэлгээр  суралцдаг Монгол оюутнууд өөрийн дансандаа үл таних хятад иргэдээс их хэмжээний мөнгөн гүйлгээ авч, Монгол Улсын нэр бүхий иргэд рүү шилжүүлснээс үүдэн эрүүгийн хэрэгт татагдан шалгагдах болжээ. Гадаад харилцааны сайд Б.Батцэцэгээс өгсөн мэдээллээр дээрх хэргийн улмаас хоёр оюутан БНХАУ-ын хууль хяналтын байгууллагад шалгагдах болсон байна.  Монгол оюутнууд гэмт хэрэгт холбогдон шалгагдах болсон мэдээлэл Гадаад харилцааны яаманд дипломат шугамаар ирсэн байна. Иймээс БНХАУ-д суралцаж байгаа оюутан, сурагчид, иргэн, аж ахуй нэгжүүд нь мөнгөн тэмдэгтийн улс хоорондын гүйлгээ хийхдээ анхаарал болгоомжтой хандах, өөрийгөө болон бусдыг цахим гэмт хэргийн хохирогч, холбогдогч болохоос сэргийлэхийг ч анхааруулж байна.

Мөн дээрх хэргийн улмаас дансаа царцаалгах, хаалгах, цаашлаад цахим гэмт хэргийн хохирогч болох асуудал ч  гарч буй тул БНХАУ дахь Монгол Улсын Элчин сайдын яамнаас иргэд аж ахуй нэгж, оюутан залуусыг бологоомжтой байхыг сануулав.

Г.ХОРОЛ