Шүүхийн шийдвэр гүйцэтгэх ерөнхий газрын Хорихоос өөр төрлийн ял эдлүүлэх алба, Нийслэлийн цагдаагийн газрын удирдах газартай хамтын ажиллагааны санамж бичиг байгууллаа.“Санамж бичиг”-т Шүүхийн шийдвэр гүйцэтгэх ерөнхий газрын дэд дарга бөгөөд Хорихоос өөр төрлийн ял эдлүүлэх албаны дарга, хурандаа П.Оростогоо, Цагдаагийн ерөнхий газрын дэд бөгөөд Нийслэлийн цагдаагийн удирдах газрын дарга, цагдаагийн хурандаа О.Ганбат нар гарын үсэг зурж, баталгаажуулсан байна. Арга хэмжээнд Шүүхийн шийдвэр гүйцэтгэх ерөнхий газрын Хорихоос өөр төрлийн ял эдлүүлэх албыг төлөөлж дэд дарга бөгөөд Хорихоос өөр төрлийн ялын бүртгэл, хяналтын хэлтсийн дарга, хошууч Н.Эрдэнэбулган, Албадлагын арга хэмжээ, хяналтын хэлтсийн дарга, хурандаа Р.Саруултамир, Цахим хяналт, удирдлагын төвийн дарга, хошууч Н.Эрдэнэлхагва, Нийслэлийн шүүхийн шийдвэр гүйцэтгэх газрын Эрүүгийн шийдвэр гүйцэтгэх ажиллагаа хариуцсан дэд дарга, дэд хурандаа Э.Итгэлтөгс, Нийслэлийн цагдаагийн удирдах газрыг төлөөлж Дэд бөгөөд Захиргааны удирдлагын газрын дарга, цагдаагийн хурандаа Ц.Сугаржав, Дэд бөгөөд Нийтийн хэв журам хамгаалах, олон нийтийн аюулгүй байдлыг хангах газрын дарга, цагдаагийн хурандаа Т.Баатар, Эрүүгийн цагдаагийн албаны Эрэн сурвалжлах хэлтсийн дарга, цагдаагийн хурандаа Д.Очгэрэл, НЦУГ-ын Халаасны хулгайн гэмт хэрэгтэй тэмцэх хэлтсийн дарга, цагдаагийн хурандаа Э.Нямаа нар оролцлоо.

“Санамж бичиг” байгуулснаар Шүүхийн шийдвэр гүйцэтгэх ерөнхий газрын Хорихоос өөр төрлийн ял эдлүүлэх алба болон Нийслэлийн цагдаагийн удирдах газар цаашид хамтран ажиллаж, харилцан мэдээлэл солилцон гэмт хэрэг, зөрчлөөс урьдчилан сэргийлэх, шүүхийн шийдвэрийн биелэлтийг нэмэгдүүлэх, ял эдлэхээс оргон зайлсхийсэн ялтан, этгээдийг эрэн сурвалжлан олж тогтоох, хамтарсан арга хэмжээнүүдийг зохион байгуулах нөхцөл боломж бүрдсэн байна.

Тус арга хэмжээний хүрээнд Нийслэлийн цагдаагийн удирдах газрын удирдах бүрэлдэхүүнийг Цахим хяналт, удирдлагын төвийн үйл ажиллагаатай танилцуулсан аж.