Нийслэлийн худалдан авах ажиллагааны газрын албан хаагчид БНХАУ-ын "Хайнань"-д аялж байгаад нэг нь өндрөөс унаж амь насаа алдсан харамсалтай хэрэг аравдугаар сарын 22-ны өдөр гарсан тухай эх сурвалжууд мэдээлсэн.

Уг хэргийн талаар ЦЕГ-аас тодруулахад "Энэ тухай мэдээлэл манайд бүртгэгдээгүй. Хяналт шалгалтын ажиллагаа явуулаагүй" гэх мэдээлэл өглөө.

Албан бус эх сурвалжийн хэлж буйгаар Нийслэлийн худалдан авах ажиллагааны газрын 10 гаруй албан хаагч "Хайнань"-д аялж байгаад О гэгч нь 21 давхар өндөр барилга дээрээс унаж, амь насаа алдсан байна. Түүнчлэн уг хэрэгт БНХАУ-ын хууль хяналтын байгууллагаас мөрдөн шалгах ажиллагаа явуулж байгаа гэсэн мэдээлэл байгаа юм.