Ойрхи Дорнодод хурцадмал байдал үүсч, Орос, Украины мөргөлдөөн үргэлжилж байгаа энэ үед "Их-7" бүлгийн Батлан хамгаалахын сайд нар Италид чууллаа. Баасан гаригаас эхэлсэн энэ арга хэмжээ нь Батлан хамгаалахын сайд нарын анхны уулзалт байв. Уулзалт Италийн өмнөд хэсэгт орших Неаполь хотод болсон бөгөөд энд НАТО-ийн бааз байрладаг гэдгээрээ онцлог.

Италийн Батлан ​​хамгаалахын сайд Гидо Кросетто чуулганыг нээж үг хэлсэн юм. Тэрбээр дэлхийн аюулгүй байдлын тогтолцоо улам бүр найдваргүй болж буйг онцолжээ. Энэ удаагийн чуулганаар Ойрхи Дорнодын мөргөлдөөнийг голчлон хэлэлцэнэ гэж тэр нэг өдрийн өмнө мэдэгдэж байв. Ойрын ирээдүйн таамаглал эерэг байх боломжгүйг Кросетто анхааруулжээ.

Мөн дэлхий хоёр хуваагдаад буйг тэр онцлов. Тодруулбал, нэг талд нь олон улсын эрх зүйд суурилсан дэлхийн дэг журамд итгэдэг улс орон, байгууллагууд байна. Нөгөө талд нь зорилгодоо хүрэхийн тулд цэргийн хүчийг зориудаар ашиглаж, ардчиллыг системтэйгээр үл хүндэтгэдэг улс орнууд байна.