Цахим спортын dota2 төрлөөр Хятадын баг, тамирчид үеийн үед сайн тоглож, Ази тивийн нэрийг дэлхийд тахалж байсан билээ. Тэгвэл сүүлийн үед Европ, Америк тивийн баг тамирчид илүүрхэж, Азийн багууд чанар чансаа буурав. Хятадуудад юу тохиолдсон бэ? Яагаад dota2 дээр сулрав? Дараах шалтгаанууд холбоотой гэнэ.

Насны хязгаар

Хятадад dota2 тоглоомыг тоглогчид эрс багассан. Учир нь 18 нас хүрээгүй хүүхдүүдийг долоо хоногт 2-3 цаг тоглохыг зөвшөөрсөн аж. Угтаа мэргэжлийн тамирчид бага наснаасаа тоглож, арга туршлага суудаг билээ. Гэвч энэ байдал үгүй болжээ. Цагийн хязгаарлалттай болсноор залуу тоглогчид ур чадвараа хөгжүүлэх, өөрсдийгөө нээх, харуулах боломж үгүй болсон аж. Иймээс л гар утасны тоглоом тоглох нь ихэсчээ.

Бет ба луйвар

Хятадын dota2 дотор тоглолт наймаалцах, хуйвалдах асуудлууд их гардаг. 2023 онд л гэхэд Valve болон Perfect World хамтран dota2-ийн 40 гаруй мэргэжлийн тамирчинг тоглолт наймаалцсан гэж үзэн банджээ. Эдгээр тамирчдын 21 нь дахин хэзээ ч Valve болон Perfect World-ийн тэмцээнд оролцох эрхгүй болжээ.

Тамирчнаас илүү стриймер нь болохыг хүсэгчид

"Puppey" саяхан ярихдаа барууны тамирчид зодог тайлсныхаа дараа стриймер болох хүсэлтэй байдгаа гэсэн. Тэгвэл Хятадад тамирчин бус шууд стриймер болох хүсэлтэй хүмүүс олон бий.

Хятадын алдарт тамирчин асан Sccc зодог тайлсныхаа дараа стриймер болж, олсон ашгаараа Шанхайд хувийн амины орон сууцтай болсон билээ. Мөн LaNm гэх стриймер өдгөө сарын 100-200 мянган юанийн ашигтай ажилладаг гэнэ. Эндээс харахад хүүхэд, залуус тамирчин бус стриймер болох сонирхол бий болжээ.