Нобелийн энх тайвны шагналын эзнээр дэлхийн хоёрдугаар дайны үеийн атомын бөмбөгдөлтөөс амьд үлдсэн хүмүүсийг төлөөлдөг Нихон Хиданкио байгууллага тодорсон билээ. Хирошимагийн атомын бөмбөгдөлтөөс амьд үлдсэн Тошиюки Мимаки Баасан гаригт тус байгууллагыг төлөөлөн шагналыг гардан авчээ. Тэрбээр шагналаа авахдаа Газын зурваст тулалдаж буй хүмүүс яагаад Нобелийн энх тайвны шагналыг хүртээгүйг гайхаж байна гэжээ. Газын зурваст үүсээд буй хүмүүнлэгийн хямрал дэлхийн хоёрдугаар дайны үеийн Японыг санагдуулж буйг тэр онцлоод, цөмийн зэвсэг хэрэглэхгүй байхыг зөвлөв.
Тэрбээр "Тэд Нихон Хиданкиог сонгожээ дээ? Газын зурваст энх тайвныг тогтоохын төлөө тулалдаж буй хүмүүс үүнийг авах эрхтэй гэж би бодож байна. Хэрвээ ОХУ Украинд, Израиль Газын зурваст цөмийн зэвсэг хэрэглэвэл энэ бүхэн зогсохгүй. Газын зурваст хүүхдүүд цусаа урсгаж байна. Яг 80 жилийн өмнөх Япон шиг байна" гэжээ.
Нобелийн энх тайвны шагналтныг зарласны дараа Израиль улс албан ёсны байр сууриа "Х" платформд илэрхийлжээ. Тодруулбал, Япон дахь Израилийн Элчин сайд Жилад Кохен Нихон Хиданкио байгууллагад баяр хүргэхийн зэрэгцээ Газын зурвас, Япон хоёрыг харьцуулсныг хурцаар шүүмжилсэн байна. Энэ харьцуулалтыг үндэслэлгүй бөгөөд хэрцгий гэж тэр нэрлэжээ. Түүний хэлснээр аравдугаар сарын 7-ны үйл явдлын талаар Нихон Хиданкио дутуу мэдээлэлтэй байна.
"Энэ мэдээлэл нь түүхийг гуйвуулахын зэрэгцээ атомын бөмбөгдөлтөөс амьд үлдэгсдийг гутаан доромжилж байна. Газын зурвасыг алуурчин террорист байгууллага Хамас хяналтдаа авсан. Тэд Израилийн энгийн иргэд, тэр дундаа эмэгтэйчүүд, хүүхдүүдийг онилон, өөрсдийн ард түмнийг амьд бамбай болгон ашиглаж, давхар давхар дайны гэмт хэрэг үйлдэж байна" гэж Жилад Кохен хэллээ.
Нэргүй 1 минутын өмнө 103.57.93.189
Манай новарын гятадын хурлийзууд израйлын алан хядагчдыг уухайлан дэмждэг
Хотын уугуул иргэн 1 цагийн өмнө 59.153.115.129
Америк атомын бөмбөг хаясныг Япончууд хэлэхээс айдаг юм билээ. Япон бол нэг ёсны Америкинй хараат улс. Яг л Монгол ОХУ-ын хараат байсан шиг. Ер нь, Америк атомын бөмбөг хяаж хэдэн зуун мянган хүний амь нас эрүүл мэндийг нь золиос болгосны төлөө албан ёсоор уучлалт гуйсан уу. Ийм улс хүний эрх, ардчилал энэ тэр гэж ярих ёс суртахууны эрхтэй гэж үү
Нэргүй 2 цагийн өмнө 120.18.130.99
Япон ч бай, Америк ч бай, Орос ч бай, Палестин ч бай, Израйл ч бхй, Украйн ч бай, Монгол ч бай алинч байсан энгийн иргэд бүгд эрүүл энх амар амгалан амьдралыг мөрөөдөж, харж дүгнэж суугаа даа