Гадаадын компаниуд Оросыг орхих нь илүү өндөр төлөөстэй, хохиролтой байх болно гэдгийг Кремль мэдэгдлээ. Тодруулбал, ОХУ-ын Сангийн сайд Антон Силуанов өнгөрөгч Пүрэв гаригт "Орос дахь хөрөнгөө зарсан гадаадын компаниудын төлөх ёстой татварыг нэмнэ. Ийм хэлцлийн үнийн дүнгийн татвар 15-25 хувь хүртэл өснө. Эхний жилд таван хувь, дараагийн жилд таван хувь гээд нийтдээ 35 хувиар өснө. Мөн гадаадын компаниудын хөрөнгийн борлуулалтын үнэд үзүүлэх хөнгөлөлтийг 50-60 хувь хүртэл нэмэгдүүлнэ" гэв.
Орос, Украины дайнтай холбоотойгоор "McDonald’s" зэрэг гадаадын томоохон компани Москваг орхин гарах, эсвэл үйл ажиллагааны цар хүрээгээ эрс багасгасан. Үүний хариуд ОХУ шийтгэл ногдуулсан нь эдийн засагт ихээхэн нэмэр болжээ. Статистик мэдээ харвал Оросоос гарч буй компаниуд тус улсын төсөвт 35.7 тэрбум рубль буюу 387 сая ам.доллар төлсөн байна.
Бизнесүүд Оросоос гарах нь ихэвчлэн төвөгтэй, зардал ихтэй байдаг. "Reuters" агентлагийн хийсэн дүн шинжилгээгээр гадаадын компаниуд 107 тэрбум гаруй ам.долларын зардал гаргажээ.
Гэхдээ ОХУ-ын Сангийн дэд сайд Алексей Моисеев энэ оны эхээр гадаадын компаниудын Оросоос гарах татварыг нэмэгдүүлэх төлөвлөгөөгүй гэж зарлаж байв. Энэ удаад зарлаж буй шинэ арга хэмжээ нь гадаадын компаниудыг Орост үлдээхэд шахалт үзүүлэх зорилготой.
Киевийн Эдийн засгийн дээд сургуулийн хариуцан ажиллуулдаг "LeaveRussia"-ийн мэдээлснээр, 428 компани Оросоос бүрэн гарч, 1700 гаруй нь үйл ажиллагаагаа үргэлжлүүлж байна.
Б 19 минутын өмнө 202.131.225.197
ЦАРЬ БСДА БҮҮР МӨНГӨГҮЙ БОЛЖДЭЭ ЧААВААС.
Нэргүй 2 цагийн өмнө 124.158.126.107
дайны санхүүжилтээ хийж байна
Нэргүй 2 цагийн өмнө 202.126.90.246
Орос аргаа барж байна даа. Он гаргаад ч хачин юм болох байх даа
Нэргүй 2 цагийн өмнө 139.5.216.175
Дээрэмчидийн улс
монгол 2 цагийн өмнө 66.181.190.33
Жинхэнэ дээрэм байна даа