Монгол Улсын Ерөнхий сайд Л.Оюун-Эрдэнэ Исламын Бүгд Найрамдах Пакистан Улсын Исламабад хотноо зохион байгуулагдаж буй ШХАБ-ын гишүүн болон ажиглагч орнуудын Засгийн газрын тэргүүн нарын зөвлөлийн өргөтгөсөн хуралдаанд оролцож байгаа билээ.

Энэ үеэр 27 жил Пакистанд амьдарсан Монгол Улсын иргэн С гэх эмэгтэйг Ерөнхий сайдын айлчлалын баг эх оронд нь ачрахаар болжээ. Өдгөө тус улсад Монголын гурван иргэн амьдардаг гэх мэдээлэл бий.

Тухайн эмэгтэй 1997 онд ОХУ-д сурч байхдаа Пакистан хүнтэй гэр бүл болж, тус улсад очсон байна. Гэвч нөхөр нь нас барснаар буцаад эх орондоо ирэх боломжгүй болсон байжээ.