Ньюс агентлаг аравдугаар сарын 18-ны Баасан гаригт болох үйл явдлыг тоймлон хүргэж байна

09:00 цагт: 

• Төрийн ордонд Монгол Улсын Ерөнхийлөгчийн ивээл дор зохион байгуулж буй Монголын Эмч нарын VII их хурал болно. Монгол Улсын Ерөнхийлөгч У.Хүрэлсүх тус Их хурлын нээлтэд оролцож үг хэлнэ. Утас: 9110-8333, 9612-1060, 8911-9482.
•  Эрүү нүүрний мэс заслын багийнхан сайн дурын хүмүүнлэгийн 100 дахь ажлынхаа үр дүнг хэлэлцэж, “Хязгаар нутгийн инээмсэглэл” өдөрлөг Эх, хүүхдийн эрүүл мэндийн Үндэсний төвд болно.

11:00 цагт:

•   Монгол Улс, Европын Холбооны хооронд дипломат харилцаа тогтоосны 35 жилийн ойн хүрээнд эхлүүлж байгаа “Жендэрийн тэгш байдлын элч-Монгол Энхийг сахиулагчид” хамтарсан төслийн нээлт “Шангри-Ла” зочид буудалд болно. Утас: 8877-9173.
• Техник, технологийн дээд сургууль, техник технологийн политехник коллежийн 40 жилийн ойн үйл ажиллагаа “Винсвэе эвэнт”-д болно. Ойн үйл ажиллагааны үеэр Цахим хөгжил, инновац, харилцаа холбооны сайдын шагналыг гардуулна.

11:40 цагт:

• Улсын эх дагина Дондовдулам хатны мэлмий гийсний 150 жилийн ойд зориулсан “Монголын төрийн Хатан эрдэнэ” тусгай үзэсгэлэн Богд хааны ордон музейд болно.

13:00 цагт:

•  Арьс шир, ноос, ноолуурын үзэсгэлэн худалдаа “Мишээл Экспо”- төвд эхэлнэ.