АНУ "B-2" үл үзэгдэх бөмбөгдөгч онгоцууд ашиглан Йемен дэх хуситуудад өнөө өглөө агаарын цохилт өгөв. Уг цохилтоор газар доорх таван зэвсгийн агуулахыг онилжээ. АНУ хамгийн чухал бөгөөд өртөг өндөртэй зэвсгийн системээрээ Хусит бүлэглэлийг онилсноор Иранд томоохон мессеж хүргэсэн гэж үзэж байна.
АНУ-ын Агаарын цэргийн хүчинд ердөө 19 ширхэг байдаг хоёр тэрбум ам.долларын үнэтэй ховор "B-2" үл үзэгдэх бөмбөгдөгч онгоцоор боловсорнгуй цэргийн техник хэрэгслээр дутмаг бүлэглэлд цохилт өгөх нь зөв байсан уу? Энэ талаар АНУ-ын Батлан хамгаалахын сайд Ллойд Остин хэлэхдээ "Дайсан газрын гүнд, хатуу, бэхлэлттэй байсан ч АНУ хүрэхэд хэцүү тэдгээр байгууламжийг онилох чадвартайг энэ өвөрмөц жишээ харууллаа. АНУ энгийн иргэд болон бүс нутгийн түншүүдээ халдлагаас хамгаалахын тулд арга хэмжээ авахдаа эргэлзэхгүй" гэжээ.
Ираны цөмийн болон цэргийн байгууламжууд ихэнх нь газар доорх байгууламжуудад байдаг. Иранаас баллистик пуужингаар довтолсны хариуд Израиль ямар хариу арга хэмжээ авахыг дэлхий нийт харж байна. Энэ үед АНУ бүс нутаг дахь хамгийн чухал түнш Израилийн төлөө Ойрхи Дорнодод дохио илгээв.
АНУ энэ үйлдлийнхээ төлөөсийг төлнө гэж Йемений хуситууд мэдэгджээ. Хусит бүлэглэлийн хэвлэлийн төлөөлөгч Насруддин Амер "Йемений эсрэг түрэмгийллийнхээ төлөөсийг АНУ төлнө. Бидний өмнө хэлсэнчлэн энэ түрэмгийлэл Йемений байр суурийг өөрчлөхгүй" гэжээ.
Дашрамд дурдахад, Хамас, Хезболла, Хусит бүлэглэлүүд нь Иран тэргүүтэй эвслийн нэг хэсэг юм. Тэд Палестины анклавд гал зогсоох хүртэл Израиль болон түүний холбоотнуудад цохилт өгөхөө зогсоохгүй гэж мэдэгджээ. Хуситууд олон сарын турш Улаан тэнгис дэх хөлөг онгоцуудыг онилсон. Энэ нь Газын зурвас дахь Израилийн дайнд үзүүлж буй хариу үйлдэл гэжээ.
Нэргүй 1 цагийн өмнө 202.9.40.170
Бусдын нутагт дураараа бөмбөг хаяж дайныг өдөөгч АНУ бол дэлхийн хөгжингүй болон буурай улс орнуудыг гол дайсан болоод байна. Гэтэл манй улсын АН-ын зарим гишүүд дайн өдөөгч түрэмгийлэгчдийг тахин шүтчихсэн хамгийн гоё сайхан нэр өгчихсөн хамгаалаад гүйгээд байх юм. АНУ бусдын нутагтдайрч байлдаан хийвэл зөв, харин нутаг орноо хамгаалсан улсыг буруутгаж байдгийг ойлгохгүй юм. АНУ-ын түрэмгийллээр сүйрсэн Япон, Афганистан, Гренада, Вьетнам, Югослав, Ирак, Сири, Ливи, Йемен гээд олон улс байна
Нэргүй 14 минутын өмнө 103.212.118.94
Харин Оросын түрэмгийллээр сүйрсэн өөрийнхөө улсыг яагаад анзаардаггүй юм бэ?
Нэргүй 2 цагийн өмнө 202.126.89.238
Одоо түрэмгий лэгчийг !
Нэргүй 2 цагийн өмнө 103.57.93.199
Чадалтай улс орон ч сайхан юм даа
Нэргүй 2 цагийн өмнө 202.9.40.99
Чадалтай байгаад шударга бус чөтгөрлөг байвал үхсэн ацаараа сайхан байхав дээ, танай хүүхдийг чадалтай гээд нэг хүүхэд ирээд зодоод бвл чамд лав таалагдах бололтой дог шүү эргүү орк