"Tesla" компанийн гүйцэтгэх захирал Элон Маск өөрийгөө жолооддог машин, авто зогсоолын оронд цэцэрлэгт хүрээлэн болон өдөр тутмын амьдралд робот технологийн хэрэглээний талаарх төсөөллөө хуваалцлаа.

Тэрбээр Калифорнид болсон нэгэн арга хэмжээний үеэр ямар ч жолоочгүй робот такси болон робот гэр бүлийн машин зэрэг шинэ тээврийн хэрэгслийн загваруудыг танилцуулжээ. "Blade Runner" гэх шинжлэх ухаант уран зөгнөл киноны тухай Маск дурдаж, ирээдүйд технологийн алсын хараатай байхыг арга хэмжээнд оролцогчдод уриалсан байна.

Жолоочгүйгээр ажиллах зориулалттай "Cybercab" нь хүний хяналт шаардлагатай. Учир нь өөрийгөө жолоодох систем нь бүрэн зөвшөөрөгдөөгүй байгаа тул ирэх жил гэхэд "Калифорниа, Техас мужид зөвшөөрөгдөж магадгүй гэж Маск таамаглаж байна. Тиймээс эхний ээлжид өөрийгөө удирдах системийн зөвшөөрлийг мужийн засаг захиргаанаас гаргаж, 2026 он гэхэд "Cybercab"-ийг үйлдвэрлэхээр зорьж байна гэжээ.