Нарны геомагнитын шуурга буюу соронзон шуурга нь харилцаа холбооны дэд бүтцийг тасалдуулж болзошгүйг АНУ-ын Далай, агаар мандлын үндэсний агентлаг анхааруулж байна. Нарны гадаргуу дээрх эрчим хүчний тэсрэлт нь их хэмжээний цэнэгтэй тоосонцрыг ялгаруулж Пүрэв гаригт буюу манай орны Баасан гаригт дэлхийн агаар мандалд хүрнэ.

Агентлагийн мэдээлснээр геомагнит шуурганы нөхцөл байдал хүчтэй байж магадгүй юм. Тиймээс радио холбоо, "GPS" үйлчилгээ болон цахилгааны сүлжээнд нөлөөлж болзошгүйг анхааруулж байна. Ердийнхөөс бага өргөрөгт аврора харагдах боломжтой нарны  идэвхжил 11 жилийн мөчлөгөөр өөрчлөгдөж, энэ жил эрс нэмэгдэж байгаа талаар мөн мэдээлжээ.

Өнгөрсөн тавдугаар сард дэлхийн олон оронд, тэр дундаа Японд нарны туяаны нөлөөгөөр аврора ажиглагдсан. Энэхүү үзэгдэл нь "GPS"-д суурилсан үйлчилгээг тасалдуулсан юм.