Лондоны дээд зэрэглэлийн их дэлгүүр болох "Harrods"-ийн хуучин эзэн, талийгаач тэрбумтан Мохамед Аль Файед хүчингийн хэрэг үйлдсэн гэж өмнө нь тус дэлгүүр ажиллаж байсан хорь гаруй эмэгтэй мэдэгджээ.
Аль Файед өнгөрсөн жил 94 насандаа нас барсан бөгөөд түүний хүү нь 1997 онд гүнж Дианнатай хамт Парис хотод автомашины осолд орж нас барсан Доди Файед юм.
Мохамед Аль Файедын хохирогчид гэх эмэгтэйчүүдийн нэг нь 15 настай байхдаа хүчирхийлэлд өртсөн гэсэн байна. Их дэлгүүрийн удирдлагын зүгээс хүчингийн хэрэг үйлдэгдсэнд харамсаж буйгаа илэрхийлж, Аль Файед "хаана ч ажиллаж байсан эрх мэдлээ урвуулан ашиглах хүн" гэдгийг хүлээн зөвшөөрчээ.
"BBC" агентлагт ярилцлага өгсөн эмэгтэйчүүд хэлэхдээ, ажил тарсны дараа Аль Файед тэднийг гэртээ урьдаг байжээ. Цаг хэтэрхий орой болсон байдаг тул Аль Файед тэдэнд тус тусад нь өрөө хуваарилан, хонуулдаг байв. Эмэгтэйчүүд гэрт нь орох даруйд торгон халаад өмсөн угтдаг байсан гэж ярьжээ.
13 эмэгтэй Аль Файедын гэрт бэлгийн хүчирхийлэлд өртсөн бол дөрөв нь хүчиндүүлсэн гэж мэдэгдсэн байна.
"Harrods" их дэлгүүрийн зүгээс эдгээр эмэгтэйчүүдийн хуулийн нэхэмжлэлд туслалцаа үзүүлэхээ амлаж, Аль Файедын өмнөөс уучлалт гуйсан байна. Өмнө нь хүчирхийлэлд өртсөн эмэгтэйчүүд цагдаагийн байгууллагад хандаж байсан ч хэргийг хүчингүй болгодог байсан тул энэ удаа хууль ёсны дагуу шударга ёсыг тогтооно гэж дэлгүүрийн удирдлагын алба мэдэгдсэн байна.
Нэргүй 1 цагийн өмнө 66.181.178.208
Хүү нь Диаөна хатантай хайр сэтгэлийн холбоотой байснаас болж Диана гүнж эр хоёрыг Английн тусгай алба хатан хааныхаа даалгавраар Францад осолд оруулж алсан. Энэ хүний нэр төрийг ч гэсэн бас л хааныхны захиалгаар гутааж байгаа байх гэж бодож байна. Элизабет, Чарльз нар бол зүгээр л алуурчид
ffmfn 2 цагийн өмнө 202.126.89.218
Сонгуульд нэр дэвшигч сонгууль санал авх байр эргэлдэх ёсгүй ээ суртчилгаа хугацаа заагаад өгчихсөн хугацаа дууссн хяналтыг чангтдийнмаа.
Нэргүй 2 цагийн өмнө 66.181.186.41
Үхсэн хойноо шоронд орох нь дээ. Сүнсий нь бол Английн шүүх сүрхий сайн шүүх баых л доо !