Олон нийтийн цахим хуудаст эмийн сангаас жоргүй олгодог эм, зүү, тариур зэргийг заавал жор нэхэж, зарахгүй байна гэх мэдээлэл гараад буй. Тэгвэл энэ нь ташаа мэдээлэл бөгөөд бүх эмийг жороор олгож байгаа гэдэг нь худал мэдээлэл гэв. Тодруулбал, Эм, эмнэлгийн хэрэгслийн хяналт, зохицуулалтын газраас гаргасан мэдэлд хуучин хүчин төгөлдөр мөрдөгдөж байсан жороор олгох эмийн жагсаалтад өөрчлөлт ороогүй.

Эм, эмнэлгийн хэрэгслийн тухай хуулийн шинэчилсэн найруулга энэ сарын 1-нээс хэрэгжиж эхэлсэн. Гэхдээ хууль хэрэгжиж эхэлсэнтэй холбоотойгоор бүх эмийг жороор олгож байгаа нь худал мэдээлэл гэсэн байна.

Тус хууль шинэчлэгдсэнтэй холбоотойгоор жороор олгох эмийн талаар ямар нэгэн шинэ журам гараагүй бөгөөд хуульд заасны дагуу жороор олгох эмийг эмчийн жороор эмийн сангаас хэвийн олгож байгаа аж. Иймд та бүхэн бодит биш мэдээлэлд итгэхгүй байхыг хүсчээ.