Хойд Солонгосын эрх баригч Хөдөлмөрийн намын 79 жилийн ой өнөөдөр /2024.10.10/ тохиож байна гэж тус улсын орон нутгийн хэвлэл онцолжээ. Тиймээс ойн арга хэмжээг урьдчилан Ким Жон Уны удирдлага дор үндэсний эв нэгдлийг эрхэмлэх тухай утга бүхий сонин нийтлэгдсэн байна. Намын удирдлагууд Лхагва гаригт Хөдөлмөрийн намын түүхийг харуулсан байгууламжид зочилсон бөгөөд өнөө орой Пёньянд салют буудуулах арга хэмжээ болох талаар мөн онцолжээ.

Тус намын "Родонг Синмун" сонин нүүр хуудасныхаа редакцын нийтлэл хэсэгт тус улсын бүх ард түмэн Кимийн ард тууштай нэгдэж байна гэж онцолжээ.

Солонгосын ардын армийн жанжин штабаас Лхагва гаригт мэдэгдэхдээ, өмнөд хил дагуух бүсэд дайны аюул улам бүр нэмэгдсээр байна гэсэн юм. Тиймээс Өмнөд Солонгостой холбосон авто зам, төмөр замын холболтыг бүрэн таслах, хилийн дагуу хамгаалалтын байгууламжуудыг бэхжүүлэх ажлыг Умардууд эхлүүлнэ гэж мэдэгдэв. Үүнийг хилийн дагуух байлдааны байгууламжуудаа аажмаар өргөжүүлэх гэсэн төлөвлөж байж магадгүй гэж Өмнөд Солонгосын зарим шинжээчид үзэж байна.