2024 оны УИХ-ын сонгуулийн өмнөхөн “Хот, тосгоны эрх зүйн байдлын тухай” хуулийн шинэчилсэн найруулгыг баталж, 2025 оны 6 дугаар сарын 1-нээс хэрэгжүүлэхээр болсон. Уг хуулиар Хан-Уул дүүргийг гурван хот болгон хуваах үндсэн нөхцөл бүрдсэн бөгөөд үүний дагуу одоогийн Хан-Уул дүүрэг гурван хотод хуваагдах төлөвтэй байна. Гэвч энэ шийдвэрийг эрх баригчид судалгааны үндэслэлгүйгээр гаргасан хэмээн ХҮН намын мэргэжилтнүүд шүүмжилж байна.

Сүүлийн найман жилийн хугацаанд МАН Хан-Уул дүүргийг удирдахдаа иргэдтэйгээ нээлттэй харилцах, төсвийн ил тод байдлыг хангах тал дээр хангалтгүй ажиллажээ. Үүний зэрэгцээ зэвтэй усны асуудал шийдэлгүй үлдэж, зун нь борооны усанд автдаг, өвөл нь зам халтиргаа гулгаатай байдаг байдал өөрчлөгдөөгүй байна. Түүнчлэн, сонгуулийн өмнөхөн зам засварын ажлыг гэнэт эхлүүлснээр иргэдийн өдөр тутмын амьдралаа төлөвлөх боломжийг хязгаарласан найман жил өнгөрчээ.

ХҮН намын Хан-Уул дүүргийн намын хороо 2024 оны Хан-Уул дүүргийн иргэдийн төлөөлөгчдийн хуралд нийт 23 мэргэжилтнийг нэр дэвшүүлж байна. Тэд ирэх дөрвөн жилд дүүргийн төсвийг бүрэн ил тод болгож, хүүхдэд ээлтэй зам, харгуйг их хэмжээгээр байгуулах зорилготой байгаагаа мэдэгдлээ. Мөн бродюрын ажлыг гэнэтийн байдлаар эхлүүлэхгүй байх, ногоон байгууламжийг нэмэгдүүлэх, дугуйн болон скүүтэрийн зам байгуулах, хүүхдэд ээлтэй дүүрэг болгох нарийн төлөвлөгөөтэйгөөр сонгуульд оролцож байна.

Хан-Уул дүүргийн иргэдийн төлөөлөгчдөд өрсөлдөж буй онцлох мэргэжилтнүүд

Иргэн Та, 10-р сарын 11-ний өдөр болох Нийслэл болон дүүргийн иргэдийн төлөөлөгчдийн сонгуульд ХҮН намын МЭРГЭЖИЛТНҮҮД-ийг дэмжээрэй.

ХҮН намаас Нийслэлийн иргэдийн төлөөлөгчид нэр дэвшиж буй баг