"Аль-Каида" алан хядагч бүлэглэлийн удирдагч асан Осама бин Ладены ууган хүүг Францаас албадан гаргасан байна. Мөн түүнийг буцаж ирэхийг хоригложээ. Учир нь Омар бин Ладен олон нийтийн сүлжээнд терроризмыг алдаршуулсан утга бүхий нийтлэл нийтэлсэн гэж албаныхан мэдэгдэв. Тэрбээр уг бичлэгийг 2023 онд аавынхаа төрсөн өдрөөр нийтэлсэн аж.

Францын Дотоод хэргийн шинэ сайд Бруно Ретайлло Омар Бин Ладеныг Францад нэвтрэхийг хориглосон тушаалд гарын үсэг зурсан. Тэрбээр "Х" хуудаснаа "Орне хотод хэдэн жил Их Британийн иргэний нөхрөөр амьдарч байсан Бин Ладен 2023 онд терроризмыг алдаршуулсан сэтгэгдлээ сошиал сүлжээнд нийтэлсэн" гэж бичжээ.

Харин Омар бин Ладены том хүү ийм бичлэг хийсэн гэдгээ үгүйсгэж байна. Тэрбээр өөрийн хаягаа хакердуулж, хэн нэгэн түүний нэрээр мессеж нийтэлсэн гэж мэдэгджээ. Омар бин Ладен 2016 оноос хойш Британи эхнэрийнхээ хамт Нормандид амьдарч байсан. Гэвч Францаас хөөгдсөнийхөө дараа Катарыг зорьжээ. Тэрбээр Дотоод хэргийн яамны шийдвэрийг давж заалдана гэдгээ илэрхийлсэн байна.