2019 оны Үндэсний их баяр наадмын хүчит бөхийн барилдаанд ес даван түрүүлж, Монгол Улсын аварга цол хүртсэн Э.Оюунболдоос допинг илэрч улмаар Үндэсний баяр наадмыг зохион байгуулах хорооноос 2019 оны аравдугаар сарын 24-ний өдөр Э.Оюунболдын аварга цолыг хурааж, түүнд унасан бөхчүүдэд цол, чимэг олгох тухай тогтоол гаргаж, дараагийн шатны байгууллага, удирдлагуудад хүргүүлж цол чимгийг тухайн үед нөхөж олгосон байдаг. Тэгвэл аварга Э.Оюунболдын зүгээс дээрх тогтоолыг хүлээн зөвшөөрөөгүй бөгөөд уг асуудлаар Нийслэл дэх Захиргааны хэргийн шүүхэд гомдол гаргасан ч шүүх бүрэлдэхүүний түүний хүсэлтийг хэрэгсэхгүй болгож, шийдвэрлэсэн юм. Харин аварга Э.Оюунболд давж заалдах хүсэлтээ хүргүүлсэн байсан. Түүний гомдол шийдэгдэхгүй байсаар өнөөдрийг хүрсэн. Тэгвэл Э.Оюунболд өргөдлийн шаардлагаасаа буцсан байна. Тиймээс хэргийг хэрэгсэхгүй болгон шийдвэрлэсэн тухай мэдээллийг Монголын Олон улсын үндэсний спортын арбитраас гаргажээ.
Нэргүй 44 минутын өмнө 122.201.31.43
Өгөр паразит ард түмнийг амраа. Одоо болно.