Гэр бүл, хөдөлмөр, нийгмийн хамгааллын сайд Л.Энх-Амгалан өчигдөр /2024.10.07/ цахим хуудсаараа дамжуулан ирэх оны дөрөвдүгээр сарын 1-нээс эхлэн хөдөлмөрийн хөлсний доод хэмжээг 20 хувиар нэмэгдүүлж, 792 мянган төгрөг болгохоор шийдвэрлэсэн тухай мэдэгдээд буй.

Гэхдээ тус шийдвэр албажаагүй бөгөөд хөдөлмөрийн хөлсний доод хэмжээг нэмэх эсэх нь ч одоогоор тодорхой болж, эцэслэгдээгүй байна.

Энэ талаар Шадар сайд С.Амарсайхан хэлэхдээ, хөдөлмөрийн хөлсний доод хэмжээ түвшинд байх нь шууд шийдэх асуудал биш. Одоогоор судалгаа тооцоо нь эцэслэгдсэн зүйл байхгүй. Гэр бүл, хөдөлмөр, нийгмийн хамгааллын яаман дээр судалгааны ажлууд хийгдэж байгаа. Хөдөлмөрийн хөлсний доод хэмжээг 792 мянган төгрөг болгох нь эцэслэгдээгүй гэсэн юм.

Тиймээс тус шийдвэр тооцоо, судалгаа хийгдэж, хүмүүсийн амжиргааны түвшинтэй уялдаж байж нэмэх эсэх нь эцэслэгдэж аж.