“Шинэ хоршоо” хөдөлгөөний хүрээнд малчдад одоогийн байдлаар 517 тэрбум төгрөгийн хөнгөлөлттэй зээл олгоод буй ажээ. Монгол Улсын хэмжээнд өнөөдрийн байдлаар 6300 гаруй хоршоо байгуулагдан, 66 мянга гаруй малчин өрх гишүүнээр элсч, дээрх хэмжээний зээл авчээ. Зээлийн жилийн хүү 6 хувь бөгөөд хоршоонд элссэн малчин 10-50 хүртэлх сая төгрөгийн зээлийг 3-5 жилийн хугацаатай авах боломжтой юм.
Хамгийн гол нь хөдөлмөрөө хоршин ажиллахаар хоршоо байгуулж, нэгдсэн малчдад нэн хөнгөлөлттэй зээл олгохоор болж, “Шинэ хоршоо” хөдөлгөөнийг Засгийн газраас санаачилсныг УИХ-аар баталж байсан.
Зээлийг арилжааны банкууд олгож байгаа бөгөөд Төрийн банк голлох зээлийг олгож буй.
Эдийн засагчдын зүгээс зээлийн зарцуулалтад анхаарах шаардлагатай. Малчид авсан зээлээ зориулалтын дагуу ашиглаж чадаж байна уу гэдэгт хяналт сайн тавихгүй бол зээл зориулалт бусаар ашиглагдах эрсдэл өндөр гэж үзэж буй.
Малчдын хувьд малчны зээлд хамрагдахад дунджаар сарын хүү нь 20 гаруй хувьтай байсан бол “Шинэ хоршоо” хөдөлгөөнд нэгдэн зээл авах нь хүүгийн дарамт багатай, тэр хэрээр бичил бизнесээ өргөжүүлэхэд нэмэр болж байна гэж тайлбарлаж буй. Сануулахад, "Шинэ хоршоо" хөдөлгөөнөөр дамжуулан малчдад 2024-2028 онд нийт 5 их наяд төгрөгийн зээлийн санхүүжилт олгохоор төлөвлөсөн юм.
Г.ХОРОЛ
Нэргүй 1 минутын өмнө 202.9.41.22
Шинэ хоршоо хөдөлгөөнд АН-ын гишүүд орохгүй байгаа. Энэ хоршоо гэдэг зүйл нь удахгүй дампуурна.
Зочин 13 минутын өмнө 66.181.190.44
Приус машин их зарагдах нь дээ