"Барс” захын уулзвараас Улаанбаатар төмөр замын өртөө хүртэлх авто замын хойд эгнээг өнөөдөр буюу аравдугаар сарын 6-ны 06:00 цагаас хаан, засварлаж эхэллээ. Авто замын хөдөлгөөнийг аравдугаар 7-ны 06:00 цагт нээнэ. Энэ хугацаанд баруунаас зүүн чиглэлийн урд хэсгийн эгнээгээр замын хөдөлгөөнд оролцох боломжтой. Иймд иргэд, жолооч та бүхэн бусад замыг сонгон хөдөлгөөнд оролцохыг холбогдох газраас сануулж байна.

Чулуун овооны тойргоос “Оргил” худалдааны төв хүртэлх нэгдүгээр хэсгийн авто замыг хэсэгчлэн, шинэчлэх тул тус замыг өнөөдөр 23:00 цагаас аравдугаар сарын 8-ны 23:00 цагийн хооронд хаахаар болжээ. Харин хоёрдугаар хэсгийг аравдугаар сарын 8-ны 23:00 цагаас 10-ны өдрийн 06:00 цагийн хооронд хааж, шинэчлэх юм.