Нийслэл, дүүргийн сонгуулийн санал хураалт энэ сарын 11 буюу ирэх Баасан гаригт явагдана. УИХ-ын сонгуулиас ялгарах онцлог нь гэвэл орон нутгийн сонгуульд нэгд, ирцийн босго тавихгүй. Хоёрт, орон нутгийн сонгуулийн санал хураалт 20:00 цагт дуусна.

Нийслэлийн төсөв мөнгө, эрх мэдэл нэмэгдсэн нь улс төрийн намуудын оролцоог идэвхжүүлж, дөрвөн нам эвсэл хотын эрх мэдлийн төлөө өрсөлдөж байна. Гэхдээ нийслэл, дүүргийн сонгуулийн гол өрсөлдөөн МАН болон АН-ын дунд явагдаж буй. Үндсэндээ, Х.Нямбаатар ба Женко.Баттулга хоёрын хэн нь хотын дарга болох вэ гэсэн ширүүн өрсөлдөөн өрнөж байна. Хэдийгээр Женко.Баттулга хэвлэлийнхэнтэй уулзахдаа “Би хотын дарга болохгүй” гэж хэлсэн нь үнэн боловч хэлсэндээ хүрнэ гэдэг нь үнэн бус юм. Товчхондоо, битий итгээрэй гэж эсрэгээр нь ойлгож болно. Тэрбээр өнгөрсөн дөрөвдүгээр сард “Би УИХ-д нэр дэвшихгүй” гэж зарлаж байснаа АН нэр дэвшигчдээ зарлах мөчид өөрийнхөө нэрийг “шургуулсан” нь баримт, факт. Өдгөө тэр парламентын 126-гийн нэг, сул гишүүн.

Тэрбээр УИХ дахь АН бүлгээ авах санаатай байсан ч бүлэг доторх дэмжлэг сул, тиймээс горилж байсан суудлаа О. Цогтгэрэлд алдсан юм.

Улс төрд, Төрийн ордонд буцаж ирсэн түүний ганц шалтгаан ердөө эрх мэдэл, төсвийн захиран зарцуулах эрхийн төлөө юм. Эрх биш, экс Ерөнхийлөгчийн хувьд Л.Оюун-Эрдэнийн танхимд сайд хийхээс ичсэн ч биз. Тиймээс хотын даргын суудлыг битүүхэндээ горилж явааг үгүйсгэхгүй.

Парламентын сул гишүүн байснаас Улаанбаатар хотын захирагч болох нь эрх мэдэл, төсөв хөрөнгө, улс төрийн карьерын хувьд хол илүү албан тушаал юм. Товчхондоо, улс доторх улсын Ерөнхий сайд гэсэн үг.

Өмнө нь Д.Сумъяабазар парламентын гишүүний суудлаа хотын даргаар сольж байсан бол Х.Нямбаатар хуулийн сайдаа болиод “фронт”-ын томилолттой Улаанбаатарт ирсэн. Тэгэхээр Х.Баттулга сул гишүүнээ болиод хотын дарга болохыг үгүйсгэх боломжгүй.

Энэ удаагийн нийслэлийн сонгуульд Ардчилсан нам гэж улс төрийн нам оролцоогүй. АН доторх Женко бүлэглэл хотын сонгуульд хоороороо өрсөлдөж буй нь гашуун үнэн. Хэрэвзээ хотод Женко бүлэглэл ялбал Монгол Улсын сонгуульд “Монгол ялсан”-тай дүйцэхүйц хохирол дагуулна.

Х.Баттулгын Монголд учруулсан хохирол хамгийн багадаа 80 их наяд болохыг Ерөнхий сайд хоёр жилийн өмнө нэгэнтээ мэдэгдэж байсан. Энэ хохирлын хэмжээ өдрөөс өдөрт өсч байгаа, эдийн засгийн үр ашиггүй мухар төмөр зам барьсан Х.Баттулга гишүүний хорлолыг улсаараа хэчнээн хугацаанд хүртэхийг хэлэхэд хэцүү. Ямар ч байсан барьсан санхүүжилтээ нөхөх нь бүү хэл нэмээд олон сая ам.долларын бүтээн байгуулалт шаардагдаж буй юм.

Женко бүлэглэлээс нэр дэвшиж буй хүмүүсийн дийлэнх нь төрийн албаны туршлагагүй. Тэр нь ч ойлгомжтой. Женко.Баттулгад хулгайчийн нөөц байхаас хүний нөөц байхгүй гэх үг үнэн аж. Түүний нэр дэвшүүлсэн багт сэтгэцийн хувьд эрүүл бус, бусдыг төлөөлөх үү, өөрийгөө төлөөлөх үү гэдгээ ч мэдэхгүй хүмүүс олон. "Live" хийж, хүн зандрах, өөрөө гавьсан ажилгүй байж бусдын амь, амьдралыг шийдвэрлэж чадах уу. Гэвчиг энэ бүхэн бас сонгогч олонтой холбоотой. Ямар ард түмэн байна, тийм төр байна гэх үг хоосон дүгнэлт биш.

Сонгууль ойртох тусам “солиорсон” хүмүүс нэмэгдсээр байна. Энэ нь нэг төрлийн эмгэг билээ. Ийм “эмгэг”-тэй хүмүүсээр хотоо удирдуубал хот хогийн хог дээр үсэрнэ. Улаанбаатарчууд арай ч мафийн бүлэглэлээр удирдуулах хэмжээний сонголт хийхгүй байх. Женко.Баттулга бол хулгай, луйврын загалмайлсан эцэг шахуу нэгэн шүү дээ.