Нийслэлийн Засаг даргын санаачлагаар “Ирээдүйн хотын иргэд” төсөл аравдугаар сарын 4-нөөс хэрэгжиж эхэллээ. Уг төслийн хүрээнд ерөнхий боловсролын сургуулийн дунд ангийн сурагчдыг хичээлээс гадуурх үйл ажиллагаанд хамруулна. Ингэхдээ хотын дэд бүтэц, урлаг соёл, төрийн үйлчилгээний зарим байгууллагын үйл ажиллагаатай танилцуулж аялуулах юм. Үр дүнд нь сурагчдад хотын соёлыг төлөвшүүлж, байгаль экологийн боловсрол болон мэргэжлийн чиг баримжаа олгох зорилготой.

Төслийн эхний аялалд нийслэлийн Ерөнхий боловсролын 16 дугаар дунд сургуулийн наймдугаар ангийн 80 сурагч оролцож, нийслэлийн Бизнес, инновацийн хөгжлийн газрын харьяа "HUB" төв, Орон сууц нийтийн аж ахуйн удирдах газар ОНӨААТҮГ-ын Ус, дулаан дамжуулах 43 дугаар төвүүдийн үйл ажиллагаатай танилцлаа. “Ирээдүйн хотын иргэд” төсөл цааш үргэлжилнэ.