Ирэх долоо хоногт нийслэлийг ирэх дөрвөн жилийн хугацаанд хэн удирдахыг шийдэх чухал сонгууль болно.  Өөрөөр хэлбэл, ямар хотод хэрхэн амьдрах нь таны сонголтоос шалтгаалах юм. Энэ удаагийн сонгуульд Х.Нямбаатар даргатай нийслэлийн МАН, мөн нэрэн дээрээ Д.Батцогт даргатай боловч нэдэр дээрээ УИХ-ын гишүүн Х.Баттулгын  ЖАН-ынхан, Н.Номтойбаяр даргатай Үндэсний эвсэл, Т.Доржханд даргатай ХҮН нам хийгээд бусад намууд өрсөлдөж буй. Тэдний хэнээр нь хот, дүүргээ удирдуулах вэ гэдгийг таны сонголт шийднэ.

Улаанбаатарын асуудал сүүлийн дөрвөн жилд бий болчихоогүй.  Өнгөрсөн 30 жилийн алдаа, авлигын үр дагавар өнөөдөр Улаанбаатарын ужиг асуудал болоод удаж байгаа. Үүнийг өөрчилж чадах зөв хүн зөв багийг дугуйлах ёстой.  Х.Нямбаатарын хувьд нийслэлийн Засаг даргаар ажиллах нэг жилийн хугацаандаа чамгүй олон ажлыг амжуулсан. Хот шиг хот болгохын төлөө багагүй амбицлаж, багагүй ч ажиллаж яваа.  Хэрэлдэнэ ч, хийнэ ч гэдгээ иргэдэд харуулсан. Иймээс Х.Нямбаатарыг ирэх дөрвөн жил бодлого, реформоо үргэлжлүүлэн хийгээсэй гэсэн хүлээлт байна.  Ямар ч байсан нийслэлд нүүрлэсэн авлигыг цэгцлэх, хулгайч нартай хариуцлага тооцож эхэлснээр нийтийн тээврийн салбар хүртээмжтэй. Улаанбаатар хотын түгжрэл энэ жил харьцангуй  буурсан, өмнө нь зам дээрээ тэг зогсолт хийдэг асуудлууд ч цөөрч байна.

Нэг нам УИХ-д, нийслэлд, дүүрэгт ялалт байгуулж чадвал яаж хөгжүүлж болдгийг Х.Нямбаатар ба түүний нөхөд өнгөрсөн найман жил Сонгинохайрхан дүүргээр харуулсан гэдэг. Тиймээс ч НИТХ-ын сонгуульд Х.Нямбаатар багаараа ялалт байгуулж байж, тавьсан зорилго, хийх хэрэгжүүлэх амбицаа ажил хэрэг болгоно.

Гэвч Х.Нямбаатар хүний өөрийн “дайсан” олонтой. Улаанбаатарыг авлига, хулгайд живүүлсэн намын анд нөхөд, ах дүү нартайгаа дайн зарласан. Хууль бус газрын наймааг хурааж авах асуудлыг ч хөндсөн. Энэ нь түүнд дайсан цуглуулах шалтгаан болсон нь мэдээж.

Үүнээс болоод өс хонзон өвөртөлсөн намын ах, дүү нар нь Х.Нямбаатарын эсрэг ажиллаж эхэлсэн талаарх албан бус мэдээлэл цагаан байрнаас цацагдаж байгаа. Хэн хэний гарыг барьж, хадаг сүүтэй мөргөсөн гэх нь холгүй мэдээлэл бичлэг байхгүй л болохоос үнэний ортой байж магадгүй шинжтэйй.  Х.Нямбаатар багаараа ялалт байгуулахын төлөө хамаг хүчээ дайчлан зүтгэж байхад багийнхан дунд нь Х.Баттулгатай далд тохирон, намынхаа эсрэг зарим гишүүд ажиллаж эхэлсэн гэх мэдээлэл оргүй хоосон гүтгэлэг биш болов уу. Ялангуяа Сонгинохайрхан дүүрэг дээр Х.Нямбаатарын багийг ялуулахгүй, зөвхөн өөрийнхөө дүүрэгт ялалт байгуулах атгаг санааг МАН-ын дүүргийн намын дарга нар Женко Баттулгатай тохироо хийж, намынхаа эсрэг далдуур ажиллаад эхэлсэн нь ч намын удирдлагуудынх нь чихэнд хүрч, асуудал үүсгэж эхэлсэн гэнэ.

Т.ОД