Израилийн Гадаад хэргийн сайд Израил Катз НҮБ-ын Ерөнхий нарийн бичгийн дарга Антонио Гутеррешд хориг тавьжээ. Тодруулбал, Лхагва гаригт /2024.10.02/ Катз олон нийтийн сүлжээгээр дамжуулан “Би өнөөдөр НҮБ-ын Ерөнхий нарийн бичгийн дарга Антонио Гутерришийг Израильд нэвтрэхийг хориглохоор шийдсэн. Мягмар гаригт Израилийн эсрэг хийсэн Ираны халдлагыг буруутгаж, олон талаас нь харж чадаагүй хүн манай орны нутаг дэвсгэрт хөл тавих нь зохисгүй” гэжээ.

Гутерришийн хувьд Мягмар гаригт богино хэмжээний мэдэгдэл хийж, Ойрхи Дорнодын мөргөлдөөн өргөжин тэлж байгааг буруутган, гал зогсоохыг уриалсан. Гэхдээ Израилийг пуужингаар бөмбөгдөж байгаа Ираны талаар тэрбээр  шууд дурсаагүй юм. НҮБ-ын даргыг Израильд нэвтрэхийг хориглосон нь Израиль болон Гутеррешийн хооронд удаан үргэлжилсэн сөргөлдөөнийг улам хурцатгаж байна. Гутерриш аравдугаар сарын 7-нд ХАМАС-ын халдлага "хоосон зайд болоогүй" гэж хэлэхдээ Израилийн дургүйцлийг хүргэсэн гэж шинжээчид үзэж байна, Мөн Израилийн цэргийнхэн Газад энгийн иргэдийг хөнөөсөн үйлдлийг удаа дараа буруутгасан