Яг нэг жилийн өмнө, нийслэлийн нийтийн тээврийн парк шинэчлэлд зориулсан ногоон автобусны хулгай олон нийтэд ил болж, Д.Сумъяабазар нийслэлийн Засаг даргын суудлаасаа, Ж.Сүхбаатар Улаанбаатар хотын замын түгжрэлийг бууруулах үндэсний хорооны даргын албаасаа огцорч байлаа. Татвар төлөгчдийн 134 тэрбумаар ногоон автобус авсан гэх ч үнэндээ тэрхүү мөнгө “нохойн зам”-аар орсон нь баримт, факттайгаа дэлгэгдсэн юм. Энэ хэргийг УИХ дээр нээлттэй сонсголоор хэлэлцсэн хэдий ч хуулийн дагуу шийтгэл авсан албан тушаалтан одоогоор алга. Цуутай хүүхэн хуримгүй гэгчлэн дуулиант луйвруудад гэм буруутан олдоггүй нь гэм биш. Гурван тэрбумын усан оргилуур, их наядын дүүжин тээвэр бүгд дашийн шог болсон. Хотын мөнгө ямар “хорогдох” биш дээ, манай "МАНдуулсан" дарга нарын хувьд.
Су.Батболдыг С.Амарсайханаар, С.Амарсайханыг Д.Сумъяабазараар, Д.Сумъяабазарыг Х.Нямбаатараар сольсон ч нийслэлийн хувьд нэмэгдэхүүний байрлал солигдсоноос цаашилсангүй. Нэмэгдэхүүний байрлалыг солих биш нийлбэр дүнд орсон өөрчлөлт нийслэлд нэн чухал байна!
Ганц нийтийн тээврийн салбар л хулгайн үүр, овоохой байж ирсэн гэвэл эндүүрэл. Ганц бороонд хот бүхэлдээ баас шээсэндээ живж байгаа нь Улаанбаатар угтаа авлигадаа живэхэд хүрсний илрэл. Авлига манай хотын мангас болоод удаж байна. Тэрхүү мангас МАН-ын цагаан ордон ч, АН-ын түрээсийн байранд ч нуугдаж суугаа нь бодит эмгэнэл юм.
Ямар ард түмэн байна, тийм төр байдаг гэдэг нь оргүй хоосон үг ч бас биш. Үүнийг ойлгомжтойгоор тайлбарлах юм бол бид өнгөрсөн 30 жилд саналаа худалдаж идсэнийхээ үйлийн үрийг эдлэж байна. Англиар karma is for you.
Орон нутгийн сонгууль болгоноор МАН, АН хоёр наанаа ухаалаг, аз жаргалтай Улаанбаатарыг байгуулна гэж уралдаж амалдаг. Үнэн хэрэгтээ, Улаанбаатар утаатай, угаартай байх нь тэдэнд ашигтай. Утаа Монголын улстөрчдийн хувьд унац ихтэй гоё бизнес болсон.
Шахмал түлшний үйлдвэртэй холбоотой 1.1 их наяд төгрөгийн гэмт хэргийн шинжтэй зөрчил илрүүлсэн тухайгаа наймдугаар сарын ээлжит бус чуулганы хуралдаанд Ерөнхий аудитор Д.Загджав хэлсэн нь хандалт хөөсөн худал мэдээлэл мэдээж биш. Бүхэл бүтэн улсын Ерөнхий аудитор хүн УИХ-ын чуулганы хуралдаан дээр хэлсэн үгэндээ эзэн болно гэсэндээ ил зарласан байх.
Шахмал түлшний үйлдвэрлэхэд зарцуулсан 1.1 их наяд бол Монгол Улсын жилийн төсвийн таван хувьтай тэнцэх мөнгө. Хэрэвзээ энэ мөнгийг үнс болголгүйгээр цахилгаан станц,цэвэрлэх байгууламж барихад зарцуулсан бол эдийн засгийн үр дүн, үр нөлөөлөл нь өндөр. Гээд манай улстөрчдөд унацаа улсынхаа эрх ашгаас илүү дээр эрэмбэлдэг. Ийм болохоороо улаанбаатарчууд зундаа баас шээсээр, өвөлдөө утаа угаараар амьсгалдаг. Улаанбаатарыг “ухаалаг” хот болгоно гэдэг хамгийн хошин онигоо. Улаанбаатар ухаалаг болтлоо өдий. Эхлээд ядаж утаанаасаа салах хэрэгтэй. Учир нь, Улаанбаатарчуудын уушгины хорт хавдарын өвчлөл сүүлийн жилүүдэд эрс нэмэгдсэн. Таван хүн тутмын нэг нь уушгины өвчнөөр өвчилж байна гэдэг үндсэндээ Улаанбаатар гамшгийн бүс болсоны ДОХИО.
Улаанбаатарт УЛААН ГЭРЭЛ анивчаад олон жил болсон, одоо л өөрчлөлт хийхгүй бол оройтно.
Нийслэлийн замын түгжрэл бол жинхэнэ тамын түгжээ. Дунджаар нэг өдөрт 4 цаг, нэг жилд 48 цагийг түгжрэл өнгөрүүлнэ гэдэг амьдрал биш, сонголт бүр биш. Сонголт гэдэг нь эрүүл аюулгүй орчин, тав тухтай, стрессгүй амьдрахын нэр. Товчхондоо, түгжрэлийг сонговол түгжрэлдээ хамаг насаа ч, хараалаа ч барна. Түгжрэлд алдсан хугацаа, шатахуун, эдийн засгаа мөнгөн дүнгээр тооцвол хамгийн багадаа 3.7 их наяд төгрөг болно. Энэ мөнгө бол улсын төсвийг арав хуваасантай тэнцэх зардал. Ийм мөнгөөр хэчнээн сургууль, цэцэрлэг барьж болох байсан бэ гэдгийг тооцож үзээд сонголтоо хийхэд гэмгүй.
Түгжрэлийг бууруулахад 2021 онд 420 тэрбум, 2022 онд 523 тэрбум, 2023 онд 420 тэрбум гээд нийт 1.4 их наяд төгрөг зарцуулжээ. Эндээс дүгнэхэд Улаанбаатарын түгжрэлийг бууруулахад мөнгө дутсангүй, сэтгэл дутсан байна. Монголд мөнгөний биш авлига, хулгайн хямрал нүүрлэсэн байна.
“Аз жаргалтай Улаанбаатар”-т сүүлийн таван жилийн байдлаар 4951 хүүхэд зам тээврийн осолд өртсөнөөс 196 нь амиа алджээ. 4956 хүүхэд гэмтсэнээс 347 нь бүх насаараа хөгжлийн бэрхшээлтэй хүн болжээ. Нэг хүн үхвэл эмгэнэл, олон хүн үхвэл статистик гэж үгтэй. Үүнчлэн нэг хүн хулгай хийвэл гэмт хэрэг, олон хүн нийлж хулгай хийвэл зүгээр сенсааци болдог жишиг тогтсон. Хоноцын сэтгэлтэй хулгайч нараас хотоо цэвэрлэе гэвэл хороо хорин, дүүрэг нийслэлээсээ эхлэх хэрэгтэй юм шүү дээ.
Б.БОЛОР
Нэргүй 2 минутын өмнө 202.9.46.250
Хотыг хулгайгаас аврах нь зөв. Гэхдээ монголчууд бүгд хулгайч ш дээ. Нэг томоохон хулгайчийн зургийг нь тавьчаад “Хотоо хулгайгаас аварч” чадах уу?
Иргэн 36 минутын өмнө 103.57.95.72
ЭНЭ МАН АН 2 НАМД МОНГОЛЧУУД СОНГУУЛИЙН ҮЁД ТЭНЦҮҮ САНАЛ ӨГЧ СҮҮЛД НЬ ОЛИГТОЙ ҮР ДҮН ГАРАХГҮЙ АРД ОЛОН ҮГЭЭГҮЙ ЯДУУРЧ БАЙНА 2 НАМЫГ ЖУРМЫН ДАГУУ ДҮРЭМЭЭ ЗӨРЧДӨГ ҮЙЛДЛЭЭС ҮНДЭС БОЛГОЖ ТАТАН БУУЛГАХ АРГА ХЭМЖЭЭНД ХҮРЬЁ .
Нэргүй 44 минутын өмнө 66.181.184.227
Нянгар 200 тэрбумаар зам засаж байгаа нэртэй мөнгө угааж сонгуулийн мөнгө босгох биш ТЭЦ-2 ын эхний санхүүжилтыг хийсэн бол хэрэгтэй байлаа
Нэргүй 47 минутын өмнө 66.181.160.34
Загджавын дүгнэлтэд Хүрэлсүх холбогдолтой асуудал хөндөгдсөн учраас таг чимээгүй дарагдсан!!!
Иргэн 48 минутын өмнө 103.57.95.72
хот их хулгайтай газар түүнээс гадна ман ан хоёрын хулгай улам л нэмэгдээд байна ёрөнхий сайд ямарч арга хэмжээ авахгүй худлаа яриад байна ёр нь яах г гэж ЁС болсон юм . хийх сонирхолгүй бол ажлаа өөр хүнд сайн дураараа өгч огцроод чаддагт нь эх орон ч сэтгэлээр өгчих
Нэргүй 1 цагийн өмнө 59.153.112.210
Монголын ард түмний ннг номерын дайсан бол МАН энэ намыг засаглах эрхээс буугаагүй цагт авилгын тухай яриад хэрэггүй сайн сайхан ямарч зүйл бодох хэрэггүй, бусад намууд нэг тугийн орж Монгол Улсыг аварах хэрэгтэй утаа түгжрэлыг шийдэж бно, маш олон арга бий гагцхүү сэтгэлээсээ хийх хэрэгтэй уул нь боржуур солихгүйгээр замын ус зайлуулах шугамыг хийсэн бол зөв шийдэл болох байсан гэтэл пу болж байгааг харлаа шүү дээ??
zochin 52 минутын өмнө 64.119.31.179
Mongoliin daraagiin daisan bol Ardchilsan nam. Ed nar ih idsen odoo ch ideheer bna. Ter Tuvaaniig har. Bugdiig meden budilaad l baij bna. Battulga har
Зочин 1 цагийн өмнө 64.119.29.46
Энэ шахмал түлшний үйлдвэр биш зүгээр л маш бүдүүлэг технологиор нүүрс шахаж мөнгө олдог арга шүү дээ хичнээн хүн үхлээ хэдэн хүн хордов маш их үрлэгэнд зардалүр ашиг бол ярих юм биш шүү зүгээр л зогсоох хэрэгтэй дээ ард түмэн саналаа хэлэх хэрэгтэй шүү
Нэргүй 1 цагийн өмнө 202.179.11.230
Nyambaatar l yum hiij baina. Umnuh buh darga ni hulgai l hiideg baisan.
Вold o 1 цагийн өмнө 116.120.126.36
нян бактери нь Нян боржуур болтол 200 тэрбу аар боржуур л сольж байна, бас дунд голыг 9н тэрбумаар самардаад.. Нян баатар яг хийсэн бүтээсэн юм алга даа…Ман сүүлийн 30н жилийн 26н жилд нь нийслэлийг удирдаад ийм болгосон байна..одоо бүгдээрээ удирдлагаа солих болсон шүү..Мангасуудын зайлуулая..
Үйлийн Үр.... 2 цагийн өмнө 202.70.43.34
үйл
Буруу Тогтолцоо .... 2 цагийн өмнө 202.70.43.34
1990 оноос хойш 30 гаруй жилд нь УБ хотыг МАН дангараа Засагласан, харин АН 4–хөн жил Засагласан юм билээ. 2000 оноос хойш Монголд УЛС ТӨРИЙН ТОГТОЛЦОО БУРУУ ЗАМААР ОРСОН….
Нэргүй 2 цагийн өмнө 180.149.80.74
Нямбаатар бол ажил хийж байнаа, богино хугацаанд боломжийн ажилласан. Одоо энэ эрчээрээ 4 жил ажиллахадл УБ өндийгөөд л ирнэ байх.
Нэргүй 2 цагийн өмнө 103.168.34.124
Бондын , улсын төсвөөр л ажил хийсэн болж бна
Энэ зөв үү?
Олдддп 2 цагийн өмнө 122.201.31.5
Тэгээд л Өнөрөөг дорно 5 жил өгөөд шоронд явуулжээ хэрэг хийсэн хүмүүс нь үлдээд зарга хийсэн нь шоронд гэхдээ маш хурдан ккккккхххххх ииииих
Нэргүй 2 цагийн өмнө 180.149.80.74
Өөрөө ойчсон хүүхэд уйлдаггүй юм даа