Монголын "The Hu" хамтлаг Английн алдарт "Iron Maiden" хамтлагтай хамтарна. Тэд хамтарсан Хойд Америкийн аялан тоглолтоо 2024 оны аравдугаар сарын 4-нд эхлүүлэх гэж байна. Алдарт "Iron Maiden" хамтлаг нь хүнд металл урсгалын анхдагч бөгөөд 1975 онд байгуулагдсан.

"The Hu" хамтлагийн залуус 2024 оны эхний аялан тоглолтоо Австралиас эхэлж, сүүлд Европын орнуудаар аялан тоглолтоо хийж дуусгаад буй. Тодруулбал, "Хишигтэн" нэртэй аялан тоглолтоо есдүгээр сарын 4-26-ны өдрүүдэд Финланд, Эстони, Латви, Польш, Герман, Чех, Австри, Итали, Хорват, Швейцарь, Франц, Испани зэрэг улсуудад хийсэн. Тэд аялан тоглолтоо дэлхийн алдартай хамтлагтай хамтран үргэлжлүүлэх нь ээ. Энэ бол Монгол Улсын рок поп хөгжмийн түүхэнд бичигдэх үйл явдал юм.