АН: Орон нутагт тэнэг хүмүүс амьдардаггүй

Ардчилсан намын бүлгээс өнөөдөр /2024.10.01/мэдээлэл хийлээ.

УИХ дахь АН-ын бүлгийн дарга О.Цогтгэрэл:

-Парламентын ээлжит чуулганаар улсын төсөв, төлөвлөгөө хэлэлцдэгээрээ онцлог. Ардчилсан намын бүлэг өнөөдөр хуралдлаа. Улсын болон орон нутгийн төсөв нийлээд нэгдсэн төсөв болдог. Төсвийг дагаж олон асуудал яригддаг. Тэр дунд онцгойлон ярих ёстой нэг асуудал байна. Орон нутгийн эрх мэдэл гэдэг зүйл жил, сараар хумигдсаар алга боллоо. Орон нутгийн үндсэн 26 агентлагийн 24-ийг нь нийслэлээс томилж байх жишээтэй. Бүх аймаг, сум улсаас татаас авч, татвар төлдөг ч Улаанбаатараас бүгдийг нь хуваарилдаг. Орон нутаг, аймаг, сум өөрийгөө засаглах чадваргүй гэж өнгөрсөн хугацаанд эрх баригчид үзэж, бодлого хэрэгжүүлж ирлээ.

Өөрөөр хэлбэл, орон нутагт тэнэг хүмүүс амьдардаг, Улаанбаатарт ухаантай хүмүүс амьдардаг гэдэг байр суурьтай явж ирлээ. Энэ бүхний хор уршгаар эрх мэдлийг дагасан мөнгө, түгжрэл, стресс бухимдал үүсч байна.

Тэгэхээр Ардчилсан намын бүлгээс орон нутгийн эрх мэдлийг өргөжүүлж, бэхжүүлэх, эрх мэдэл шилжүүлэх үзэл санаа бүхий багц хуулийн төслийг намрын чуулганд өргөн барина. Бүлгийн 40 гишүүнээс 14 нь аймаг, сумын Засаг даргаар ажиллаж байсан бөгөөд долоо нь аймгийн Засаг даргаас УИХ-ын гишүүн болж сонгогдон ажиллаж байна. Хамтарсан Засгийн газрын гэрээ байгуулагдаж, гэрээнд Ардчилсан намын бүлгийн саналаар орон нутагт эрх мэдлийг шилжүүлэх, иргэд болон хувийн хэвшилд эрх чөлөөг олгох зүйл заалтыг тусгасан.

"Нутагтаа эзэн Монгол" хуулийн үзэл санаа нь хөдөө эзэнгүй боллоо гэсэн агуулгатай. 2020 онд орон нутгийн төсөв 30 хувь байсан бол одоо 20 хувь болж буурсан. Төсөв санхүү нь ийм хумигдмал байгаа учраас л Улаанбаатар руу хэт төвлөрөл үүсч байна. Үндсэн хуулийн үзэл санаагаа амилуулах цаг болжээ. Ховд, Увс аймгийн Засаг даргыг дээрээс нь томиллоо. Тэгвэл тэнд Засаг дарга ажиллах ямар шаардлагатай юм бэ.

"ЗАСАГ ДАРГА, МАЛЧИН НЬ МЭДЭЭГҮЙ БАЙХАД АЙЛЫН ӨВӨЛЖӨӨГ НЬ ЛИЦЕНЗ БОЛГОЖ БАЙНА"

УИХ-ын гишүүн О.Амгаланбаатар:

-Миний хувьд аймгийн Засаг даргаар хоёр дахь удаагаа сонгогдон ажилласан. Аймаг орон нутаг бие даан хөгжих, өөрсдөө асуудлаа шийдэхэд тулгамдаж буй асуудлын нэг бол босоо томилгооны асуудал. Нэг хүнд зориулж, яам байгуулдаг. Тэр сайд нь өөртөө зориулж, аймагтаа босоо томилгоог хийдэг. Энэ тогтолцоо улам батжиж, орон нутгийн 26 агентлагийн 24-ийг нь босоо томилгоогоор томилж байна. Үндсэн хуульд аймаг, сум нь нийгэм эдийн засгийн цогцолбор байна гэж тусгаж зааж өгсөн. Аймгийн Засаг дарга нийгэм, эдийн засгийн асуудлаа бие даан шийднэ гэсэн. Харамсалтай нь өнгөрсөн 20 жилд Улаанбаатар төвтэй улсыг байгууллаа.

Хэнд халамж, дэмжлэг хэрэгтэй байгаа вэ гэдгийг хамгийн сайн мэддэг хүмүүс нь сум, аймгийн Засаг дарга нар байдаг.

Гэтэл өнөөдөр аймаг, сумын Засаг дарга нар дээрээс хуваарилж ирсэн хэдэн төгрөгийг батлуулж, гарын үсэг зуруулдаг эрх мэдэлгүй хүн болсон. Аймаг, сумын Засаг дарга, малчин нь мэдээгүй байхад айлын өвөлжөөг нь лиценз болгоод өгчихсөн байдаг. Тэр битгий хэл сумын сургууль, цэцэрлэгийн захирлын томилгоог хотоос хийж байна. Энэ бүхэн хөдөөгийн хөгжлийг чөдөрлөж байна.

УИХ-ын гишүүн С.Эрдэнэболд:

-2025 оны төсөв дээр зарим аймгийн төсөв 260 тэрбум төгрөг бол заримынх нь 20 тэрбум төгрөг байна. Энд улс төрийн нөлөө үзүүлж, даргын аймаг их төсөвтэй байдаг гаж тогтолцоотой байна. Энийг засах арга зам нь орон нутгийн эрх мэдлийг сайжруулах юм. Энэ бол Ардчилсан намын бүлэг гэхгүйгээр УИХ-ын гишүүд Үндсэн хуулийн үзэл санааг хамгаалахын тулд санал болгож байгаа хуулийн төсөл юм.

10 сэтгэгдэл

Хариулахаа болих

Хамтарсан засаг гэдгээ сана 47 минутын өмнө 14.1.81.26

МАН ын хонины хашаанд хурга гуйж орчихоод больж үз амаа татаа. Гэртээ маань мэгзэмэээ уншаад амьдар.

Хариулах

Нэргүй 2 цагийн өмнө 202.21.114.170

Үнээн бузар МАН бүхнийг сүйтгэж байна. Одоо орон нутгийн сонгууль гээд төрийн алба ажил хийж байгаа хүн алга. Энэ улс орон сонгуулийн циклээр амьдардаг боллоо. Энэ бол үнэхээр харамсал шүү. Удахгүй Венесуэл, Африкийн ядуу орнуудын араас орлоо !!!!

Kca 2 цагийн өмнө 202.126.88.201

Орон нутагт хэт их эрх мэдэл өгвөл Өмнөговийн хэдэн олигархи дарга санал асуулга гэж юм зохион байгуулаад Монгол улсаас тасраад явна. Баян-Өлгийн шат шатны дарга нарын хэрэг дуусаагүй л байна. Хүзүүгүй еөкийн здугийн ганц гавъяа нь хэрэгтэй зөв цаг мөчид БӨ-д цэргийн анги яаралтай байршуулахыг ҮАБЗ, тагнуулынхны ятгалгаар зөвшөөрсөн юм шүү дээ.

Нэргүй 2 цагийн өмнө 103.212.118.18

1996 онд ардчилсан эвсэл ялсны дараа орон нутгин эрх мэдлийг өргөсгөн орон нутгаас орох татварыг өөрсвийнх нь мэдэлд үлдээж байхад УБ-ын яам, агентлагууд тун даруухан дарга нар өрөөгөө ч тохижуулж чаддаггүй төсөвт суудаггүй байв. Харин 2000 онд МАХН ялж Улаан санхүү эдийн засгийг барих болсноор хуучин төлөвлөлтийн үе рүү ухарч бүх төсвийг төвлөрүүлэн дахин хуваарилдаг болж хотын дарга нар унаа, өрөөгөө сайжруулж тансаглан тарвалзах эхлэл нээгдэсэн. Би тэр үед агентлагийн дарга байлаа.

ХУУЛЬЧ 2 цагийн өмнө 202.9.46.102

ХАРИН ТЭР ЧИНЬ ҮНЭН ШҮҮ.

Монгол улсын иргэн 2 цагийн өмнө 202.131.241.13

Улс, эх орон, орон нутгийнхаа төлөө гэсэн шударга, хөдөлмөрч хүн байвал аль намынх нь хамаагүй сонгоод эрх мэдлийг өгөөд ажиллуулахыг ард түмэн хүсч байгаа…………..даанч бидний итгэл даах төрийн албан хаагч аль ч намд алга даа……….харамсалтай………

Нэргүй 2 цагийн өмнө 122.201.31.168

Ийм галзуу поп гишүүдтэй болжээ.

Нэргүй 2 цагийн өмнө 66.181.168.82

Үнэхээр төрийн төвлөрөл замаа алдсан. бүх томилгоог Ерөнхий сайд нь хийдэг болоод удаж байна даа. Орон нутгийн эрх мэдэл түй байхгүй болсон

зочин 3 цагийн өмнө 66.181.191.129

Эрх мэдлээ өргөжүүлж идэж уух л зорилготой, АН төрд гарах бүрт улсын эдийн засаг сүйрч төрийн данс улайдаг,Гадаадын өр зээл нэмэгдэж ,улсын төсөв хөрөнгө оруулалт хумигдаж, бүтээн байгуулалт зогсдог, Эд нар олж авсан эрх хэмжээгээ нийгмийн өмчөөс идэж уух хумслахад л ашигладаг,Нийгмийн баялаг цөөн хэдэн хүний гарт төвлөрч олонх ядуурна ,Гуйлагчдын эгнээ тэлнэ,Баруун гэж хэт туйлширч ,худалдааны гол түнш хөрш хоёр гүрэнтэй харилцах харилцааг хүйтрүүлдэг,Алдааг олон олон бүү давтаж хохир,