Эрх баригч Либерал ардчилсан намын (LDP) даргаар сонгогдсон удирдагч Ишиба Шигеру өөрийн танхимдаа намын удирдах албан тушаалтнууд болон гишүүдийг сонгож эхэлжээ. Тэрбээр өнгөрсөн Баасан гаригт болсон удирдлагын сонгуульд хамт өрсөлдсөн хууль тогтоогчдоо гол албан тушаалд томилох талаар хэлэлцэж байгаа юм.

“LDP”-ын Ерөнхий нарийн бичгийн дарга асан Ишиба Японы 102 дахь Ерөнхий сайд болж, ирэх Мягмар гаригт ээлжит бус хуралдааны дараа танхимаа нээх төлөвтэй байна.

Тэрбээр Баасан гаригт болсон хэвлэлийн бага хурлын үеэр өөрийнх нь эсрэг өрсөлдсөн хүмүүс нь голлох албан тушаалд томилогдох нь зүй ёсны хэрэг гэжээ.   Ишиба Засгийн газрын танхимаа ажиллуулж, эрх баригч болон сөрөг хүчний хууль тогтоогчдын дунд мэтгэлцсэний дараа бүх нийтийн сонгуулийн доод танхимыг аль болох хурдан тараах төлөвлөгөөтэй байгаагаа хэлэв. Гэхдээ тараах хугацааг шийдэхээсээ өмнө олон нийтийн санаа бодлыг үнэлж дүгнэх төлөвтэй байна.