БНХАУ-ын "Улс тунхагласны баяр"-ын өдрүүд 2024 оны аравдугаар сарын 1-7-ны хооронд тохиож байгаа тул Монгол-Хятадын авто замын хилийн боомт түр хаагдана гэдгийг гаалийн байгууллагаас мэдээллээ. Гэхдээ Монголын Гаалийн байгууллагын хяналт, бүрдүүлэлтийн үйл ажиллагаа хэвийн үргэлжлэх гэнэ.

Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын засгийн газар хоорондын 2004 онд байгуулсан Хэлэлцээрийн 4.3-т заасны дагуу БНХАУ-ын Улс тунхагласны баярын өдрүүд аравдугаар сарын 1-7-ны өдрүүдэд тохиож байгаа тул Монгол-Хятадын авто замын хилийн боомт түр хаагдана.

Иймд гаалийн харилцаанд оролцогч, гадаад худалдаа эрхлэгчид БНХАУ-ын хилээс бараагаа хурдан шуурхай татан авахыг мэргэжилтнүүд зөвлөж байна.