Загвар өмсөгч Наоми Кэмпбелл "Fashion for Relief" буяны байгууллагын итгэмжлэгдсэн төлөөлөгчөөр ажилладаг. Гэвч буяны санд цугларсан мөнгө тансаг зэрэглэлийн зочид буудал, спа, тамхи болон Наоми Кэмпбеллийн хувийн хамгаалалт зэрэг зүйлд зарцуулсан нь тогтоожээ.

Тиймээс загвар өмсөгчийг итгэмжлэгдсэн төлөөлөгчөөс таван жилийн хугацаатай түдгэлзүүлээд байна. Наоми Кэмпбеллээс гадна өөр хоёр итгэмжлэгдсэн төлөөлөгчийн эрхийг мөн ес, дөрвөн жилээр тус тус хассан байна.

Наоми Кэмпбелл энэ талаар мэдэгдэхдээ "Би энэ талаар дөнгөж сая олж мэдлээ. Маш их санаа зовж байна. Би буяны ажлыг хянадаг хүн нь биш" гэжээ.

"Fashion for Relief" сангийн 2016 оны дөрөвдүгээр сараас 2022 оны долдугаар сар хүртэлх зардлыг хянаж үзэхэд цугларсан хөрөнгийн ердөө 8.5 хувь нь л буяны үйлсэд зарцуулсан байжээ.