Эрх баригчдын эсрэг үзэн ядалтыг өдөөсөн хэргээр өдгөө үйл ажиллагаагаа зогсоосон цахим мэдээллийн платформын редактор асан хүнд Хонгконгийн шүүх 21 сарын хорих ял оноолоо. Тодруулбал "Stand News" сонины ерөнхий редактор асан Чун Пуй Куэнд Пүрэв гаригт ял оноожээ. Өнгөрсөн сард Чунг болон тус мэдээллийн агентлагийн ахлах редактор асан хүмүүсийг үймээн самуунтай материал нийтлэх зорилгоор хуйвалдаан хийсэн хэрэгт буруутай гэж шүүх үзжээ.
Эрх баригчдыг шүүмжилсэн нийтлэлээрээ алдартай "Stand News" сэтгүүл Хонгконг дахь ардчиллыг дэмжигч хөдөлгөөнтэй холбоотой олон нийтлэл бичдэг.
Шүүхийн шийдвэрээр 2021 онд "Stand News"-д цагдаа нар нэгжлэг хийж байсан бөгөөд тухайн үед Чунг болон холбогдох хүмүүсийг баривчлан хорьсон байдаг.
Хонгконгийн үндэсний аюулгүй байдлын тухай хууль эрх баригчдын засгийн газрын эсрэг гэж үзсэн үйл ажиллагааг таслан зогсоох зорилгоор 2020 онд хэрэгжиж эхэлсэн. Үүнээс хойш эрх баригчид тэднийг шүүмжилсэн хэвлэл мэдээллийн хэрэгслийг дарах арга хэмжээгээ эрчимжүүлсэн юм. Олон байгууллага үйл ажиллагаагаа зогсоохоос өөр аргагүйд хүрсэн байна.
Холбоотой мэдээ