Бээжин цөмийн хүчин чадлаа үндэсний аюулгүй байдалд шаардагдах хамгийн доод түвшинд байлгах болно гэж Хятадын Батлан хамгаалах яам мэдэгдэв. Тус улс тив алгасах баллистик пуужин харваснаас нэг өдрийн дараа буюу Пүрэв гаригт хэвлэлийн бага хурал зарлаж, төлөөлөгч  Жан Шяоган пуужин харвах нь зэвсгийн гүйцэтгэлийг шалгах зорилготой бөгөөд ердийн цэргийн сургалтын нэг хэсэг гэж хэлсэн байна.

Мөн туршилтаа эхлүүлэхдээ улс орнуудад мэдэгдэж, цэргийнхээ ил тод байдлыг харуулсан гэв. Энэ талаар Японы засгийн газрын хэвлэлийн төлөөлөгч Хаяши Ёшимаса хэлэхдээ, пуужин хөөргөхөөс өмнө Токиод мэдээлэл өгөөгүй байна.

Хятад 1980 оноос хойш цөмийн хүчин чадалтай пуужингийн туршилт хийгээгүй юм. АНУ болон барууны зарим орнууд энэхүү туршилтаас болгоомжилж, Орост тусалж магадгүй гэх хардлагыг төрүүлэв. Хятадын Батлан ​​хамгаалах яамны хэвлэлийн төлөөлөгч Лхагва гаригт хөөргөсөн пуужингийн төрлийг тодорхойлоогүй ч зарим шинжээчид буух цэгээс нь үндэслэн үүнийг "Dongfeng-41" эсвэл "Donfeng-31 AG" гэж үзэж байна. Эдгээр пуужингууд АНУ-ын эх газарт хүрэх чадвартай.