Орон нутгийн сонгуульд нэр дэвшигчид албан ёсоор үнэмлэхээ гардан авснаар сонгуулийн сурталчилгаа эхэлж байна. Энэ удаагийн орон нутгийн сонгуульд оролцож буй нам, эвслийн нэр дэвшигчид өөр өөрсдийн дэвшүүлж буй мөрийн хөтөлбөр, зорилгоо тодорхойлчихсон учраас иргэд, сонгогчиддоо түүнийгээ танилцуулж эхэлжээ.

Энэ дундаас онцолж харвал Баянзүрх дүүргийн Ардчилсан намын нэр дэвшигчдийн онцолж харвал "Дүүргээ аваръя" уриа дэвшүүлжээ. Баянзүрх дүүрэг бол хамгийн олон хүн амтай том дүүрэг.

Тиймээс ч энэ дүүргийг аварч чадах, дэвшүүлсэн мөрийн хөтөлбөрөө хэрэгжүүлж чадах нэр дэвшигчдээр багаа бүрдүүлсэн онцлог ажээ. Ардчилсан намын лидер М.Тулгатаар ахлуулсан Баянзүрхийн ардчилсан нам нийслэлд хүч үзэхээс илүү дүүргийн анхан шатанд өрсөлдөж, дүүргээ аварч, өөрчлөх бодлого баримталж энэ удаагийн сонгуульд оролцож байна.

НИТХ-ын төлөөлөгч М.Тулгат, мөн УИХ-д нэр дэвшсэн эмч, доктор Г.Ууганцэцэг нар нийслэлд бус дүүрэгт, сонгуулийн анхан шатанд нэр дэвшиж байгаа юм.  Хэрэв Баянзүрх дүүргийн сонгуульд Ардчилсан нам ялвал Дүүргийн засаг даргаар М.Тулгат томилогдох юм байна. М.Тулгатын баг “дахин төлөвлөлтийг гацаанаас гаргах”, “дүүргээ хогноос салгах”, “хөрсний бохирдлыг шийдэх”, “худалдаачид, бизнес эрхлэгчдээ дэмжих”, “СӨХ-ийн эрхзүйн байдлыг шинэчлэх” зэрэг зорилт тавьжээ. “Нийслэлд 1990 оноос хойш 7 удаа сонгууль болоход 6 удаад нь МАН ялж удирдсан. Өнгөрсөн 34 жилийн 30 жилд Улаанбаатар хотыг дангаар удирдсан МАН хариуцлага хүлээх цаг нь болсон. Тийм ч учраас бид Дүүргээ аваръя! уриатай энэ сонгуульд оролцож байна” гэж Баянзүрх дүүргийн 6-р хороонд нэр дэвшигч Э.Энхдөл онцолсон юм.

М.Тулгатын баг дүүргээ, хотоо аварч чадах уу? Нийслэлчүүд бидний амьдарч буй дүүрэг, хороо хогноосоо салж, хөрсний бохирдлоо шийдэж, амар тайван амьдрах боломжийг бий болгох тийм багийг сонгох чухал сонгуулийн сурталчилгаа эхэллээ.

Энэ 14 хоногийн хугацаанд та бүхэн хэний баг таны амьдарч буй хот, дүүрэг, нийслэлийг аварч, өөрчилж чадах вэ гэдгийг сайн шинжиж, сонголтоо хийцгээе. Таны сонголт хийх өдөр аравдугаар сарын 11-ний өдөр байх юм.

БЗД-ийн Ардчилсан намын сонгуулийн штаб