Ньюс хөтөч: Орон нутгийн сонгууль эхэлнэ

-"Ньюс" агентлага өнөөдөр болох үйл явдлын хураангуйг хүргэж байна-

Өнөөдөр/2024.09.26/ орон нутгийн сонгуульд нэр дэвшигчид албан ёсоор нэр дэвшигчийн үнэмлэхээ гардан авснаар сонгуулийн сурталчилгаа албан ёсоор эхэлнэ.

11:40 цагт:

-Богд Хааны Ордон музей “Хаан Ордны намар” музейн нээлттэй өдрүүд арга хэмжээг уламжлал болгон зохион байгуулдаг үзэсгэлэн Богд Хааны Ордон Музейн үзэсгэлэнгийн танхимд болно. Энэхүү үйл ажиллагааны хүрээнд “Хааны Хачин” үзэсгэлэнг дэлгэн үзүүлж байна. Тус үзэсгэлэнд Хааны ордны сонин цуглуулга болох “Бодлоор зангидсан илд, хүн болоод үхрийн чулуужсан тархи, эр тахианы өндөг, галбарваасан мод тэргүүтэн ховор өвөрмөц үзмэрүүд, амьтны цуглуулга, VIII Богд Жавзандамба хутагт болон Улсын Эх Дагина Дондовдулам нарын эдэлж хэрэглэж байсан хааны титэмт малгай, хүрэм, алтан гутал хатны булган хамжаар, барын арьсан дэвсгэр зэрэг ховор нандин үзмэрүүдийг энэ үзэсгэлэнгээс үзэх боломжтой юм.

14:00 цагт:

-“ДЭЛХИЙН ЦИРК МОНГОЛД-2024” тоглолтын хэвлэлийн бага хурал болно.