Японы Окаяама мужийн Цүяама хотын цагдаа нар 80 настай эрэгтэйг тоглоомон буу ашиглан банк дээрэмдэхийг завдсан хэрэгт сэжиглэн баривчилжээ.

Цагдаа нарын мэдээлснээр, Торао Тэрасака Мягмар гаригийн өглөөний 09:25 цагийн орчимд Чүгокү банкны салбар руу орж, банкны ажилтан 62 настай эмэгтэй рүү гар буу чиглүүлж, бэлэн мөнгө нэхсэн гэж Санкэй Шимбун сонин мэдээлэв.

Банкны чимээгүй дохиоллын дагуу цагдаа нар Терасакаг банкинд байхад нь баривчилжээ. Цагдаа нар галт зэвсэг нь тоглоомон буу байсан гэв. Тухайн үед тус банкинд ажилтнууд болон үйлчлүүлэгчид нийлсэн 15 хүн байсан ч гэмтэж бэртсэн хүн байхгүй.