Орос Украинд түрэмгийлснээс хойш 940 өдөр болсон байна. Өнөөдрийн /2024.09.23/ байдлаар нөхцөл байдал ямар байна вэ?

ДАЙНЫ ТАЛБАРТ:

• Украины хоёрдох том хот болох Харьковт Оросын дайралтын улмаас 12 хүн шархадсан байна. Хотын дарга Игорь Тереховын мэдэгдсэнээр, орон сууцны хороололд Орос халдлага үйлдсэн. Аврах ажиллагаа явагдаж байгаа бөгөөд шархадсан хүмүүсийн дунд бага насны хүүхэд байсан гэв.
• Оросын Краснодар, Тверь муж дахь зэвсгийн агуулахад Украин пуужингийн халдлага үйлдсэн байна. Энэ нь Украины зэвсгийн чадамжийг харуулав.
• Украины Никополь хотод Оросын нисгэгчгүй онгоц халдлага үйлдэж, хоёр хүн амиа алдсан гэж бүс нутгийн захирагч мэдэгдэв.
•  Донецк мужийн зэргэлдээх Курахов хотод Оросын их бууны цохилтод нэг хүн амиа алдсан гэж бүс нутгийн прокурорууд мэдэгдэв.
•  Оросын нисэх онгоц Шостка хотын эрчим хүчний дэд бүтцэд цохилт өгсөн гэж Украины Сумы мужийн эрх баригчид мэдэгдэв. Одоогоор амиа алдагсдын талаар мэдээлэл ирээгүй байна.
• Оросын Ростов муж, Курск, Астрахань, Белгород, Воронеж мужуудыг чиглэсэн 15 нисгэгчгүй онгоцыг устгасан гэж тус улсын Батлан хамгаалах яам мэдэгдэв. Одоогийн байдлаар хүний амь нас эрсэдсэн мэдээлэл байхгүй байна.

УЛС ТӨР:

• Украины ерөнхийлөгч Зеленский дайныг дуусгах арга зам нь барууны түншүүдийн зэвсгийн хангамжаас шалтгаална гэв. Мөн барууны зэвсгийг Оросын газар нутагт ашиглах нь Украины батлан хамгаалах чадварт эерэг нөлөө үзүүлнэ гэжээ.
• Оросын Гадаад хэргийн яамны хэвлэлийн төлөөлөгч Мария Захарова өнгөрсөн зургадугаар сард Швейцарьт болсон энхийн дээд хэмжээний уулзалтыг "луйвар" гэж тодорхойлжээ. Тэрбээр бодит байдлыг харгалзан үзэж, Украины хэлэлцэхэд бэлэн байна гэв.