Сэтгүүлч Н.Өнөрцэцэгийн өмгөөлөгч нар өнөөдөр/2024.09.23/ мэдээлэл хийлээ.

Өмгөөлөгч Б.Баатарсайхан:

-Н.Өнөрцэцэгийн хурлын шийдвэр 2024 оны долдугаар сарын 19нд гарсан. Тэр өдөр шүүхийн тойм мэдээг гаргасан. Үүнд өмгөөлөгч нар хэрэг хянан шийдвэрлэх ажиллагаанд саад учруулсан агуулга бүхий мэдээлэл гаргасан. Өнөөдрийн хурлаар өмгөөлөгч нар саад учруулаагүй тухай мөн ярина. Н.Өнөрцэцэгийн хурал долоон сарын 18-ны 13:30минутад зарлагдсан байсан. Миний өөр нэгэн хуралтай цаг нь давхацсан. Өөрөөр хэлбэл, хоёр хурал давхацсан. Н.Өнөрцэцэгийн шүүх хурлын товийг надад мэдэгдээгүй. Өмнө Н.Өнөрцэцэгийн өмгөөлөх хүсэлтийг ямар ч шалтгаанаар хойшлуулж байгаагүй. Тэнд Оросоо өмгөөлөгч үлдсэн. Тэр өмгөөлөгч худал мэдээлэл тараахтай холбоотой мэдээллийг хариуцаж байсан. Шүүх нэг өмгөөлөгч байгаа учраас Н.Өнөрцэцэгийг шүүхэд оруулах шийдвэр гаргачихсан. Би бол төрийн нууцтай холбоотой мэдээллээр дагнан өмгөөлж байсан. Тэр хэргийг Оросоо өмгөөлөгч өмгөөлөх боломжгүй. Н.Өнөрцэцэг гурван өмгөөлөгчөөс ганц өмгөөлөгч нь хэрэгтэй бүрэн танилцаагүй учраас өмгөөлүүлэхээс татгалзсан. Гэвч шүүх хүсэлтийг хүлээн аваагүй.  Тэр өдөр цаг нь давхцаад байсан хурал хойшлогдож 13:20 цагт Н.Өнөрцэцэгийн шүүх хурлын танхимд орсон. Шүүгчээс татгалзсан тохиолдолд шүүх хурлыг хойшлуулах зохицуулалт бий. Оросоо өмгөөлөгч бид хоёр өмгөөлөх гээд ороход хурал хойшлогдоогүй. Завсарлаад үргэлжилж байна гэсэн. Тиймээс Баатарсайхан өмгөөлөгчийг чөлөөлж өгнө үү гэсэний дагуу намайг чөлөөлсөн. Тийм учраас өмгөөлөгч нарыг оролцуулаагүй, хэрэг хянан шалгахад саад асуудлаар холбогдох газарт гомдол гаргасан.

 Өнөөдөр Сэтгүүлч Н.Өнөрцэцэгийн гэм буруугийн асуудлыг шүүх эцэслэн шийдвэрлэнэ.Өмгөөлөгч нар шүүхийн шийдвэрт санал нийлэхгүй байна. Тийм учраас давж заалдах гомдлоо гаргасан.

Өмгөөлөгч П.Эрхэмбаяр:

-Н.Өнөрцэцэгийг гэм буруутай гэж тогтоосон. Гэхдээ эцсийн шийдвэр биш. Хурлыг хаалттай хийсэн, ямар хэрэгт холбогдсон бэ гэдэг талаар иргэд олон нийтэд тодорхой мэдээлэлгүй зарим тодорхойгүй нөхцөл байдал үүссэн. Олон нийтэл худал мэдээлэл тараах, татвар төлөөхөөс зайлсхийх гэсэн асуудлаар шалгагдаж байсан. Зариг.мн эсвэл өөрийн хувийн хаягнаас эх сурвалж нь олдоогүй мэдээлэл түгээсэн асуудлаар хувийн нууцтай холбоотой мэдээлэлтэй холбогдож байна. Эх орноосоо урвасан, гадаадын тагнуулын байгууллагатай хамтран ажилласан зэрэг төрийн нууцтай холбоотой нөхцөл байдал байхгүй. Төрийн нууцтай холбоотой материалууд нууц гээд шүүх хурлыг хаалттай, өмгөөлөгчгүй хийж ял авсан. Энийг өмгөөлөгчид эцсийн шийдвэр гэж үзэхгүй байна.

Хуульч, өмгөөлөгч Р.Булгамаа:

-Сэтгүүлч Н.Өнөрцэцэгийн шүүх хуралд өмгөөлөгч оролцуулаагүй шүүсэн нь алдаа байсан гэж үзэж байна.Давж заалдах шүүхэд өмгөөлөгч нар гомдол гаргасан байгаа. Хүний эрхийг дордуулсан, хууль хэрэглээний хувьд бодитой шийдээгүй. Н.Өнөрцэцэгт оногдуулсан хэрэг нь нийгэмд учруулж буй хор хохирол зэргийг нарийвчлан тооцоогүй зэрэг тодорхой хууль зүйн үндэслэлээр гомдол гаргасан.

Шүүхийн урьдчилсан хэлэлцүүлгийн үеэр Н.Өнөрцэцэг ямар асуудалд холбогдож байгаа тухай асуудлыг нээлттэй шүүх ажиллагааг явуулаад өгөөч гэсэн. Гэвч шүүхээс хаалттай шийдэх нь зүйтэй гэсэн. Эрүүгийн хянан шийдвэрлэх хуулийн хүрээнд хөнгөн төрлийн гэмт хэргийг нээлттэйгээр, улсын нууцтай холбоотой хэргийг хаалттайгаар шийдэх бүрэн боломжтой байсан. Иймэрхүү асуудлаас болоод хүний эрх зөрчигдөх, тодорхой мэдээллийг олж авах эрх зөрчигдөх асуудал гардаг. Өмгөөлөгч хууль зүйн баталгаатай байх учир дутагдалтай байдаг учраас өнөөдрийг хүртэл тодорхой мэдээлэл өгөх боломж хязгаарлагдмал байсан. Нөгөөтэйгүүр Өнөрцэцэг холбогдон шалгагдаж буй хэрэгтэй холбогдуулан өмгөөлөгч нараараа дамжуулан давж заалдах шатны шүүхэд гомдол гаргасан. Мөн шүүхийн тоймд нэг талын байр сууринаас гаргасан мэдээлэлд өмгөөлөгч нар хууль зүйн үндэслэлгүй гэдгийг онцолж хэлье. Н.Өнөрцэцэг гурван өмгөөлөгчтэйгээ хамт оролцох хүсэлтээ гаргасан. Харин шүүх энэ байдлыг хэрэг хянан шийдвэрлэх үйл ажиллагаанд саад учруулж байна гэж үзсэн нь хүний зүйн үндэслэлгүй.

Шүүхээр гэм буруутай гэж үзэж хорих ял оногдуулж байгаа иргэдэд тухайн хүнийасрамжинд байгаа хүүхдүүдийг хэн асрамжлах талаар хүүхэд хамгааллын шийдвэрт орхигдож байна. Энэ нь хүүхэд хамгааллын эрх зөрчигдөж буй асуудлыг мөн онцолмоор байна. Тиймээс хүний эрх зүйн байдлыг давж заалдах шатны шүүх шийдэл гаргах байх гэж бодоод гомдол гаргасан. Хурлын товийг хүлээж байна.