Ираны ерөнхийлөгч өөрийн улсын хүчин чадлыг харуулах үүднээс цэргийн парад зохион байгууллаа. Ерөнхийлөгч Масуд Пезешкян нийслэл Тегеранд болсон цэргийн парадын үеэр үг хэлэхдээ "Израиль дахин манай нутагт гэмт хээг үйлдэх гэж оролдвол бид зүгээр өнгөрөөхгүй. Бид эвтэй байвал тэд дайрахгүй" гэжээ.  Иран-Иракын дайны ойг тохиолдуулан жил бүр тус улс цэргийн парад зохион байгуулдаг аж.

Энэ удаагийн парад Бямба гаригт /2024.09.21/ болсон бөгөөд олон тооны пуужин, танк болон шинэ төрлийн нисгэгчгүй онгоцыг олон нийтэд танилцуулжээ.

Тус нисгэгчгүй онгоц нь 4000 гаруй километр замыг туулах хүчин чадалтай бөгөөд "Shahed-136B" гэж нэрлэгддэг гэж Ираны төрийн мэдлийн телевиз мэдээлсэн байна.   Өнгөрсөн долдугаар сард Хамасын дээд албан тушаалтан Тегеранд хөнөөгдсөн. Уг үйл явдлаас болж Иран улс Израилиас өшөө авахаа мэдэгдээд буй. Түүнчлэн өнгөрсөн долоо хоногт Ливанд пейжир дэлбэрсэн асуудалд Израиль буруутай гэж Ираны засгийн газар үзэж байна. Энэ мэтчилэн олон удаагийн халдлага болж байгаа тул Ойрхи Дорнод дахь зэвсэгт бүлэглэлүүд Израилийн эсрэг хүчээ нэгтгэж магадгүй гэж Бямба гаригт Тегеран мэдэгджээ.

Эх сурвалж: ALJAZEERA