Европ дахь Монголчуудын волейболын аварга шалгаруулах тэмцээн арваннэгдүгээр сарын 1-3-ны өдөр 10 дахь удаагаа Бельги улсад зохион байгуулагдана. Волейболын аварга шалгаруулах тус тэмцээнд урьдчилсан байдлаар 12 орноос 40-өөд баг оролцохоор мэдүүлгээ ирүүлжээ.

Европын дахь Монголчуудын волейболын аварга шалгаруулах тэмцээнийг анх Бельги улсад амьдардаг Гаадангийн Нямрагчаа болон Дашнямын Төгс-Отгон нар 2013 онд санаачлан  зохион байгуулж байжээ. Анхдугаар тэмцээнд 8 орноос 18 баг тамирчид оролцож байсан байна. Харин энэ жил тус тэмцээнд урьдчилсан байдлаар 12 орноос 40-өөд баг оролцохоор мэдүүлгээ ирүүлсэн юм байна. Энэ тэмцээнд Монголын волейболын холбооноос шүүгчид урилгаар очиж шүүх юм байна.

Европ дахь Монголчуудын аварга шалгаруулах энэ тэмцээн Бельги, Австри, Чех, Швед, Герман, Швейцар зэрэг орнуудад ээлжлэн зохион байгуулагдаж ирсэн аж. Есөн удаагийн тэмцээнээс Бельгийн эрэгтэй баг зургаан удаа аваргын цом, гурван удаа мөнгөн медаль хүртэж байсан бол эмэгтэй баг нь гурван удаа мөнгө,нэг удаа хүрэл медаль хүртэж байжээ.

Т.Хүслэн