АНУ-ын ерөнхийлөгчийн сонгууль арваннэгдүгээр сарын 5-нд болно. Зургаан долоо хоног үлдээд буй энэ хугацаанд тус улсын гурван муж улсад урьдчилсан шатны санал хураалт эхэллээ. Тодруулбал, Виржиниа, Миннесота, Өмнөд Дакота мужийн иргэд өнгөрсөн Баасан гаригаас /2024.09.20/ эхлэн саналаа өгч эхэлсэн байна.

Виржиниа мужийн санал авах байр нээгдсэнтэй зэрэгцэн олог сонгогчид саналаа өгөхөөр дугаарлан зогсож байв. Ирэх аравдугаар сарын дунд үед дахин арав орчим муж урьдчилан санал хураалтыг эхлүүлэх юм. Бүгд найрамдах намаас нэр дэвшигч, ерөнхийлөгч асан Дональд Трамп болон Ардчилсан намаас нэр дэвшигч, дэд ерөнхийлөгч Камала Харрис нар сонгуулийн өдөр ойртож байгаатай холбогдуулан дэмжигчдийн тоогоо нэмэгдүүлэхийн тулд сонгуулийн кампанит ажлын цуглаан, бусад үйл ажиллагаагаа эрчимжүүлж байна.

Энэ сарын эхээр хоёр нэр дэвшигч мэтгэлцээнд оролцсон бөгөөд Камала Харрис үндэслэлтэй нэгэн гэдгээ харуулж чаджээ. "CNN" телевиз мэтгэлцээнийг дахин явуулах хүсэлтэй байгаа ч Дональд Трамп татгалзсан байна. Өмнө нь 2018 оны сонгуульд Ардчилсан нам 24 мужид 41 хувь, Бүгд найрамдах нам  35.1 хувийн урьдчилсан шатны санал авч байсан байна. Одоогийн байдлаар Камала Харрисыг сонгогчдын 49.3 хувь нь дэмжиж байгаа бол Дональд Трамп 47.4 хувийн дэмжлэг авчээ.

Эх сурвалж: REUTERS