Ливан дахь Хезболлагийн гишүүдийн гар утасны пейжер дэлбэрсний улмаас бүс нутгийн мөргөлдөөн хурцадмал хэлбэрт шилжээд буй. Тэгвэл Ливанаас Израиль руу Баасан гаригт 150 орчим пуужин харважээ. Одоогоор гэмтэж хохирсон хүн байхгүй гэж Израиль мэдэгдлээ. Хезболла бүлгийнхэн Катюша пуужингаар Израилийн объектүүд рүү долоон удаагийн цохилт өгсөн гэж зарласан байна.

Харин Израилийн арми мөн өдөр Хезболлагийн томоохон төлөөлөгчийг онилж, Бейрутын өмнөд дүүрэгт цохилт өгчээ. Ливан дахь эх сурвалжийн мэдээлснээр Хезболлагийн гол байгууламжийн ойролцоохон энэ үйл явдал болсон байна. Хезболлагийн томоохон төлөөлөгч нь командлагч Ибрахим Акил гэх хүн юм. Тухайн хүн үнэхээр цохилтод өртсөн эсэх нь тодорхойгүй байна.

Энэ халдлагын улмаас нэг хүн нас барж, 14 хүн шархадсаныг Хезболла мэдэгдлээ. Гэхдээ энэ нь урьдчилсан тоо учир дахин нэмэгдэж магадгүй.

Эх сурвалж: REUTERS