Японд нэг жилийн хугацаанд цахилгаан скүүтертэй холбоотой зам тээврийн 25156 зөрчил бүртгэгджээ. Тус улсад цахилгаан скүүтерийг жолооны үнэмлэх авалгүйгээр тодорхой нөхцөл дор унах боломж 2023 оны долдугаар сараас бий болсон. Тодруулбал, 16 ба түүнээс дээш насны иргэн тодорхой стандартыг ханган цахилгаан скүүтер унаж болно гэж Замын хөдөлгөөний хуульд заажээ.

Тодорхой стандарт гэдэг ойлголтод дээд хурд, тээврийн хэрэгслийн хэмжээ зэргийг зааж өгсөн байна.

Үндэсний цагдаагийн албанаас мэдэгдсэнээр ихэнх зөрчил нь хурдаа саалгүйгээр явган хүний зам руу нэвтэрсэн гэх зөрчил байжээ. Тодорхой хэлбэл, энэ төрлийн 13842 зөрчил бүртгэгдсэн байна. Үүний дараагаар гэрлэн дохио зөрчсөн гэх 7725, зогс тэмдэгтэй газарт зогсоогүй гэх 1455, согтуугаар скүүтер унасан гэх 194 зөрчил тус тус бүртгэгджээ.

Түүнчлэн 226 хүн цахилгаан скүүтерээс болж гэмтэж бэртжээ. Эдгээрийн 165 тохиолдол буюу 75 хувь нь Токиод бүртгэгдсэн. Харин хүн нас барсан тохиолдол байхгүй.

Эх сурвалж: JAPAN TODAY