Дараах авто замуудыг хааж, шинэчилнэ

Хичээлийн шинэ жил эхэлсэнтэй холбоотойгоор авто замуудын хөдөлгөөний ачаалал нэмэгдэж буй. Гэхдээ төлөвлөгөөт зам засварын ажлууд хэвийн үргэлжилнэ гэдгийг албаныхан мэдээлсэн. Ирэх Баасан гаригаас хаах замуудын мэдээллийг нэгтгэн хүргэж байна.

Нисэхийн тойргоос Хурдны зам хүртэлх замыг есдүгээр сарын 20-ны 23:00 цагаас 23-ны өдрийн 06:00 хүртэл хааж шинэчилнэ.
Үндэсний соёл амралтын хүрээлэнгийн баруун урд уулзвараас Циркийн уулзвар хүртэлх замыг есдүгээр сарын 20-ны 22:00 цагаас 23-ны 06:00 цаг хүртэл хааж, шинэчилнэ.
"Фүүд сити" төвөөс Яармагийн гүүр хүртэлх замыг есдүгээр сарын 20-ны 23:00 цагаас 23-ны 06:00 цаг хүртэл хааж, шинэчилнэ.

Харин Төмөр замын дээд сургуулийн уулзвараас "Гранд" плаза хүртэлх замыг есдүгээр сарын 21-ний 23:00 цагаас 24-ний 06:00 хүртэл хааж, шинэчилхээр болжээ. Өнөөдөр /2024.09.18/-ний өдрийн байдлаар Баянбүрдийн тойргоос 32-ын уулзвар хүртэлх зам хаалттай байна. Тус замыг есдүгээр сарын 21-ний 06:00 цагт нээнэ.

9 сэтгэгдэл

Хариулахаа болих

Dd 2024-09-18 66.181.178.39

наадмын амралтаар хүн цөөн үед засч болдоггүй юм уу. дандаа л хөл хөдөлгөөн ачаалал ихэссэн үед хаа сайгүй хаагаад л тэг зогсолт үүсгэж байх юм. хүмүүсийг амарч байх үед нь тусгай хуваариар хүмүүс ээ ажилуулаад иймэрхүү үед нь амрааж болдгүймүү хаашаа юм. салбарын онцлог гэж баймаар юм. тэгээд амрангуут хамт амраад зунжин юу ч хийхгүй байж байгаад хамаг амьтаны ажил өрнөөд эхлэхээр л гэнэт сэрсийм шиг хамаг зам, шугам сувагаа Ухаад л газраа сэндийлээд хүйтрэнгүүт зүгээр булаад хаячих юм.