Мексикийн шинээр сонгогдоод байгаа ерөнхийлөгч Клаудиа Шейнбаум Украинд айлчлах ерөнхийлөгч Зеленскийн урилгаас татгалзсан байна.

Тэрбээр сэтгүүлчдэд "Би тэгж бодохгүй байна. Бид гадаад бодлого, үндсэн хуулийн зарчмаар ажилладаг. Манай гадаад бодлогыг үндсэн хуулиар тодорхойлсон. Бид энх тайвныг сонгох ёстой. Бид бодлогын дагуу байх болно" гэж тайлбарласан байна.  Мексик улс нь Эквадороос бусад орнуудтай дипломат харилцаатай.

Эквадорын хувьд Кито дахь Мексикийн элчин сайдын яаманд халдлага гарсан гэх асуудлын дараа харилцаагаа тасалсан юм. Шейнбаум мөн "Бид чухал гэсэн олон улсын арга хэмжээнд л оролцох болно. Миний үүрэг бол Мексикийг удирдах болохоос аялах биш" гэв. Тус улс Бразилд болох "G-20"-ын дээд хэмжээний уулзалтад оролцох юм.  Украины ерөнхийлөгч Зеленский мексикчүүдийн байр суурийг тодруулах болно гэсэн байна. Мөн Мексикийн одоогийн ерөнхийлөгч Андрес Мануэль Лопез Обрадорыг Украинд айлчлахыг хүсэж байна гэжээ.

Эх сурвалж: TASS