Цахим засаглалын хөгжлийн индексийг НҮБ-аас хоёр жил тутамд шинэчлэн гаргадаг. Тус индексийг гаргахдаа НҮБ-ын гишүүн 193 улсын үндэсний хэмжээний цахим хуудсууд болон цахим засаглалын бодлого, стратегийг хэрхэн ашиглаж байгааг нь харж үнэлдэг аж.

Монгол Улсын тухайд 2024 онд 28 байраар урагшилж, 193 орноос 46-р байрт оржээ. Өөрөөр хэлбэл, цахим засаглалын хөгжлийн индексээр Монгол Улс 0.8457 үнэлгээ авсан байна. 2022 онд энэ үзүүлэлтээр 74-р байранд жагсаж байсан бөгөөд 2024 онд 28 байраар урагшилжээ.

Цахим засаглалын хөгжлийн индексээр Монгол Улс 2003 оноос хойш хэрхэн үнэлэгдэж, хэддүгээр байранд орж байсныг доорх хүснэгтэд харуулав.

Харин цахим оролцооны индексээр 0.7808 үнэлгээ авч, 193 орноос 37-р байрт орсон. 2022 онд энэ үзүүлэлтээр 57-р байранд жагсаж байсан бөгөөд 2024 онд 20 байраар урагшилсан байна.

Цахим оролцооны индексээр Монгол Улс 2003 оноос хойш хэрхэн үнэлэгдэж, хэддүгээр байранд орж байсныг доорх хүснэгтэд харуулав.

Дашрамд дурдахад, цахим засаглалын хөгжлийн индексээр Дани улс 0.9847 оноо авч, нэгдүгээр байранд оржээ. Харин Азиас Сингапур улс тэргүүн байранд орсон ба 0.9691 оноо авсан байна. Ази дундаа Монгол Улсын багтдаг зүүн Азийн бүс нутагт Өмнөд Солонгос улс тэргүүлсэн бөгөөд 0.9679 үнэлгээ авчээ.

Харин цахим оролцооны индексээр дэлхийд Украин тэргүүлж байна. Тодруулбал, Украин энэ төрөлд бүтэн оноогоо буюу 1.0000 үнэлгээ авчээ. Бүс нутагт болон зүүн Азийн бүсэд аль алинд нь 0.9863 оноогоор Япон тэргүүлжээ.

Эх сурвалж: UN