Япон улс 328,150 цэргийн албан хаагчтай, хүчний индексэд 0.16 үнэлгээ авч долдугаар байранд орсон байна. Технологийн хувьд дэлхийн хамгийн хөгжингүй орнуудын нэг болох Япон 46 тэрбум ам.долларын цэргийн зардалтай. Тэнгисийн цэргийн хүчин нь бусад салбараасаа хамгийн хүчирхэг нь бөгөөд тусгай үүрэг гүйцэтгэхэд зориулагдсан хамгийн сүүлийн үеийн технологиор тоноглогдсон. Мөн 50,000 агаарын цэргийн хүчний, 150,000 армийн, 51,000 тэнгисийн цэргийн албан хаагчтай чадварлаг орон юм.

Их Британи улс зургаадугаар байранд орсон байна. Тус улс нийт 1.1 сая цэргийн албан хаагчтай бөгөөд хүчний индексээр 0.14 үнэлгээ авчээ. Их Британийн засгийн газар олон тооны санхүүгийн эх үүсвэртэй тул энэ онд цэргийн зардалдаа нийт 69 тэрбум ам.доллар зарцуулсан байна. Агаарын хүчин нь асар их хүчин чадалтай төдийгүй логистикийн чадварлаг байдлаараа алдартай юм. Их Британи агаарын танкны нисэх онгоцны флоттой төдийгүй Хүйтэн дайнаас хойшхи хамгийн хүчирхэг довтолгооны нисдэг тэргийг эзэмшдэг.

Зэвсэгт хүчний тэргүүн нь хаан Чарльз III юм.

Өмнөд Солонгос улс хүчний индексээр 0.14 үнэлгээг авч, нийт 3.8 сая албан хаагчтайгаар тавдугаар байранд жагсаж байна. Мөн 18-35 насны эрэгтэй хүмүүсийг жил бүр цэрэгт татдаг бөгөөд хүссэн хүн армид элсэх боломжтойгоороо онцлог. Хойд Солонгостой шууд бус хурцадмал байдалд байдаг Өмнөдийн хувьд хүчирхэг армитай байхаас өөр аргагүй юм. Одоогийн байдлаар нийт 48 тэрбум ам.долларыг цэргийн зардалд зарцуулжээ.  Өмнөд Солонгос нийт 133,000 гаруй цэргийн тээврийн хэрэгсэл, 739 нисдэг тэрэгтэй бөгөөд үүний 112 нь довтолгооны нисдэг тэрэг юм.

Энэтхэг улс дөрөвдүгээр байранд орсон байна. Тус улс дэлхийн хамгийн олон хүн амтай орнуудын нэг учир идэвхтэй 5.1 сая албан хаагчтай юм. Хүчин чадлын индексэд 0.10 үнэлгээ авсан бөгөөд 2210 нисэх онгоц, 4614 танк, тэнгисийн цэргийн 295 зэвсэгт ангитай. Одоогийн байдлаар цэргийн зардал нь 82 тэрбум ам.доллар юм. Энэтхэг улс хэдэн мянган жилийн тэртээгээс эхэлсэн цэргийн хамгийн урт түүхтэй улсуудын нэг юм.