Үндэсний статистикийн хороо 2024 оны хоёрдугаар улирлын нэгдсэн мэдээллээ олон нийтэд хүргээд байна.

Энэхүү мэдээллээр нэг ажилтанд ногдох сарын дундаж цалин 2.4 сая төгрөгт хүрч, өмнөх оны мөн үеэс 574.8 мянган төгрөгөөр, өмнөх улирлаас 181.2 мянган төгрөгөөр нэмэгджээ. Гэхдээ аль салбарт хамаарч байгаагаас шалтгаалж цалин хэлбэлзэж буй юм.

Тухайлбал, уул уурхайн салбарт ажиллагсдын сарын цалин хамгийн өндөр буюу 5.1 сая төгрөг болж өмнөх оны мөн үеэс 456 мянган төгрөгөөр нэмэгдсэн бол зочид буудал, нийтийн хоолны үйлчилгээний салбарт ажиллагсдын цалин хамгийн бага буюу 1.5 сая төгрөг байгаа нь өмнөх оны мөн үеэс 289.7 сая төгрөгөөр нэмэгдсэн үзүүлэлт болжээ.

Энэхүү цалингийн дунджийг тооцохдоо Нийгмийн даатгалын шимтгэл төлсөн 775.7 мянган ажиллагсдын цалинд үндэслэн гаргажээ.

Мөн нийт даатгуулагчийн дотор 3.5 сая  төгрөгөөс дээш цалинтай даатгуулагчийн эзлэх хувь 16.9 хувь бол 550 мянган төгрөг хүртэлх цалинтай даатгуулагчийн эзлэх хувь 2.5 хувь байна.

Байгууллагын хариуцлагын хэлбэрээр авч үзвэл хувьцаат компанид ажиллагчдын сарын дундаж цалин 2.7 сая төгрөг, төрийн өмчит үйлдвэрийн газарт ажиллагчдын сарын дундаж цалин 3.0 сая төгрөг байгаа нь улсын дунджаас 276,2 мянган төгрөгөөр их байна.    Харин бусад   байгууллагад ажиллагсдын сарын дундаж цалин улсын дунджаас 31.2 мянган төгрөгөөр бага аж. Төсөвт байгууллагад ажиллагчдын сарын дундаж цалин 2.4 сая төгрөг болж, өмнөхоны мөн үеэс 883.6  мянган төгрөгөөр нэмэгджээ.