Улаанбаатар хотод 48-аас дээш цаг болсон орон нутгийн дугаартай тээврийн хэрэгслээс хоног тутамд 5000 төгрөгийн хураамж авах шийдвэр гарсан. Тэгвэл энэ шийдвэрийн хэрэгжилт ямар байгаа талаар Замын хөгжлийн газраас тодрууллаа.

Замын хөгжлийн газрын дарга Б.Одбаярын өгсөн мэдээллээр, орон нутгийн дугаартай тээврийн хэрэгслээс хураамж авах шийдвэр есдүгээр сарын 1-нээс хэрэгжиж эхэлсэн. Товчоогоор гарахад тээврийн хэрэгслийн дугаар дээр хураамж бүртгэгдэж байгаа гэлээ.

Улаанбаатарт өдөрт дунджаар орон нутгийн дугаартай 16-19 мянган тээврийн хэрэгсэл замын хөдөлгөөнд оролцдог байна. Иймд эдгээр тээврийн хэрэгслийг бууруулах зорилгоор НИТХ-ын 2024 оны хоёрдугаар сарын 8-ны өдрийн тогтоолоор авто зам ашигласны төлбөрийн хэмжээг шинэчилсэн юм.

Хотын даргын захирамжаар түгжрэлийн бууруулахаар Улаанбаатарт нэвтэрч байгаа орон нутгийн дугаартай тээврийн хэрэгсэл

•     48 цаг дотор 1000 төгрөг,
•     48 цагаас дээш тохиолдолд хоногт 5000 төгрөгийн хураамж авах төлөх болсон. Тус захирамж энэ сарын 1-нээс хэрэгжиж эхэлсэн.

Одоогоор 22-ийн товчоо, 61-ийн гарам, Эмээлт зэрэг авто тээврийн шалган нэвтрүүлэх цэгт камер байршуулжээ. Тус камерын тусламжтайгаар орон нутгийн тээврийн хэрэгслийн орж, гарч байгаа мэдээллийг бүртгэж байгаа аж. Орон нутгийн дугаартай тээврийн хэрэгслээс хуримтлагдсан мөнгийг авто замын засвар, шинэчлэлийн ажилд зарцуулах аж.